La3bni
عدد الضغطات : 8,610
ينتهي : 17-07-2014
عدد الضغطات : 6,486

العودة   منتديات مزاج كافيه > أقــســام الاغــانـــي > روابط عشاق المطربين العرب

كلمات أغاني الامير هاني شاكر الجزء الاول

قربني ليك الوقت ليه بفوت بسرعة وانا جنبك ‏ كان نفسي اقولك ألف مية مليون بحبك خلتني احس اني اللي فات من عمري ممكن اعوضه

رد
 
أدوات الموضوع طرق مشاهدة الموضوع
قديم 10-02-2008, 07:56 PM   #1
 
الصورة الرمزية عشتار
 

do7k3 كلمات أغاني الامير هاني شاكر الجزء الاول


قربني ليك

الوقت ليه بفوت بسرعة وانا جنبك ‏
كان نفسي اقولك ألف مية مليون بحبك
خلتني احس اني اللي فات من عمري ممكن اعوضه
خلتني اشوف ايامي احلى ما قولش ايام وانقضوا ‏
ما بقتش خايف من الجي مدام وياك ‏
ما بقتش عايز اعيش حياتي إلا معاك
قربني ليك دنا بين أيديك أحزاني عني بيبعدوا

كان كل يوم يعدي وانت بعيد سنين ‏
معرفش بعدك يا حبيبي حعيش لمين
اتمنى إيه وانا بين ايديك كل الاماني ملكتها
قرب كمان خدني لعينيك وديني لدنيا بحبها
ما بقتش عايز اعيش حياتي إلا معاك
قربني ليك دنا بين أيديك أحزاني عني بيبعدوا


****************
لا يا قلبي ‏

لا لا لا لا لا ثاني لا لا لا لا يا قلبي لا‏
‏ للاحزان والجراح واللي راح لا لا لا لا‏‎ ‎لا لا لا لا يا قلبي لا ‏
اللي ضاع واللي باع واللي كان بحب تعبي لا يا قلبي يا قلبي‎ ‎لا ‏
للي فاتوك يا حبيبي موجوع لا يا قلبي واللي سبوك لهموم ودموع لا يا قلبي ‏
لا لا‎ ‎لا لا لا لا لا لا يا قلبي لا‏
‏ اوع تفرح لو قالولك كلمة حلوة من النهاردة يا قلبي‏‎ ‎لازم تبقى اقوى ‏
شوف قد ايه من عمري راح ذقنا الجراح شوف قد ايه ‏
هو الهنا في عمرنا‎ ‎كان قد ايه لا لا لا لا يا قلبي لا ‏

اللي خدوك للنار ورموك لا يا قلبي واللي في عز‎ ‎الحب باعوك لا يا قلبي لا لا لا لا يا قلبي لا ‏
يظلموني ويجرحوني عاملين حبايبي ‏
اوع‎ ‎ترجع للي خانك في يوم يا قلبي ‏
شوف قد ايه من عمري راح ذقنا الجراح شوف قد ايه هو‎ ‎الهنا في عمرنا كان قد ايه لا لا لا لا ‏يا قلبي لا

******************
أنا عاشق
كـل عمـري جنبـك انت مش حعيشـو غيـر معــاك‎
‎ ‎انت‎ ‎أقـرب قلـب ليــا انت فعيوني‎ ‎مـلاك‎
‎ ‎لو يفــوت العمــر‎ ‎جنبـك عمـري كلـو يكـون فـداك‎ ‎
‎ ‎ ‎أنا عاشق ميت حاجة فيـك أولهم نظـرة‎ ‎عنيـك وآخرهم لمسـة ايديك ‏
يا حبيبي قربنـي‎ ‎ليـك‎ ‎أنا قلبـي مشتـاق إليـك من‎ ‎شوقـو بيناديك
‎ ‎
‎ ‎أي كلمـة حب أقولهـا يا‎ ‎حبيبي عليك قليـل ‏
دنت حلـم‎ ‎العمـر كلـو انت حلـم ملــوش بديـل‎ ‎
منت‎ ‎بالنسبالي دنيـــــا بعـدي‎ ‎عنهــا مستحيــــل‎ ‎
‎ ‎ ‎أنا عاشق ميت حاجة فيـك أولهم نظـرة عنيـك وآخرهم لمسـة ايديك
‎ ‎يا حبيبي‎ ‎قربنـي ليـك‎ ‎أنا قلبـي مشتـاق إليـك من شوقـو بيناديك

*******************

أحيانا ‏
أحيانا ببقى مش عاايزك نهائي ... وأبقى نفسي أكون‎ ‎فدائي
‏ وأنسف الحب ‏اللي في‎ ‎واطلب الموت لإشتياقي
‎ ‎أحيانا
‎ ‎ ‎ببقى شايفك ناار في دمي وأبقى عايش كل‎ ‎همي إني أفوق منك يا وهمي ‏
وأتولد‎ ‎لحظة فراقي‎ ‎
‎ ‎ ‎ببقى نفسي أهد كل قصور‎ ‎بنيتها عشان خسارة تسكنيها
‏ ببقى‏‎ ‎نفسي كل ‏فرحة وهبتهالك تبقى دمعة تحزنيها
‎ ‎بس لسا اليأس ما تمكنش مني‎ .. ‎يعني لسا برضو باقي .. يعني لسا برضو ‏باقي

‎ ‎ ‎أحيانا ‏
تبقى أغلى أمنياتي‎ ‎اني انسى ذكرياتي واني اشيلك من حياتي ‏وأشتري عمري‎ ‎اللي باقي‎
‎ ‎ ‎أحيانا
‎ ‎ ‎ببقى مش عايز تحدي و انتي عايشه بدنيا ضدي امحي غرورك و‎ ‎هدي بس الا‎ ‎كبريائي

‎ ‎ببقى نفسي أهد كل قصور‎ ‎بنيتها عشان خسارة تسكنيها
‏ ببقى‏‎ ‎نفسي كل ‏فرحة وهبتهالك تبقى دمعة تحزنيها
‎ ‎بس لسا اليأس ما تمكنش مني‎ .. ‎يعني لسا برضو باقي .. يعني لسا برضو ‏باقي

*******************

بتحبيــه ‏‎ ‎

بتحبيه زي ما كنت بتحبيني ‏
‏‎ ‎ ‎بتحسيـه‏‎ ‎زي ما كنت بتحسينـي ‏
‏‎ ‎ ‎يعني هو بيوحشـك زي ما كنت بوحشك ‏
وزي ما كنتي بتتمنيني بتتمنيه ‏
‏ وزي ما‎ ‎كنتي‎ ‎‏بتستنيني بتستنيه
‎ ‎ ‎يعني اللي بينكو زي اللي كان بينك وبيني ‏
‎ ‎قولي لا لا قبل‏‎ ‎الدمـوع ما تخبـي عينـي
قبل الدمـوع ما تخبـي عينـي..‏‎ ‎

‎ ‎ ‎بتفكـري إزاي فيـه‎ ‎وبتسهري بلياليـه‏
‎ ‎يعنـي كل حاجـة ليـا خدها‎ ‎ليـه
‏‎ ‎إديتيلو الشـوق خـلاص‎ ‎والمشـاعر والإخـلاص
‎ ‎ ‎لأ ولو فكرتي‎ ‎فيـا تبقي فعـلا‎ ‎بتخونيه‎
‎ ‎ ‎يعني اللي بينكو زي اللي‎ ‎كان بينك وبيني ..‏‎ ‎قولي لا قبل الدمـوع ما تخبـي عينـي..‏‎ ‎ ‎
قبل الدمـوع ما تخبـي عينـي..‏‎ ‎

*****************

مع قلبك ‏

مع قلبك انت بس عرفت اعيش واحس
‏ قل بحبك قلها بس قولها لو حتى بعينيك ‏ ‏
لو حوصف حبي‎ ‎وصف لو حقوله حرف حرف
‏ مش حيوصف الف وصف اللي انا حسيته بك‏
‏ علمني حبي ليك اني اذوب‏‎ ‎يا حبيبي فيك ‏ ‏
كل عمري اخاف عليك واطمن بين ايديك ‏

حياتي عشت فيها ما حسش قلبي بيها‎ ‎‏ ما كنتش يوم لاقيها غير لما بقيت معايا ‏
حكايتي معاك طويلة قصة شوق جميلة بعيشها كل‎ ‎ليلة ودي اجمل حكاية ‏
علمني حبي ليك اني اذوب يا حبيبي فيك ‏ ‏
كل عمري اخاف عليك‎ ‎واطمن بين ايديك

******************

كنت حبيبك
حمشي‎ ‎واسيبك تتمناني تترجاني .... مش حرجعلك ‏
كنت حبيبك كنت حياتي مهما نادتني ... مش‏‎ ‎حسمعلك‎ ‎
‎ ‎ ‎عليك كلام مش عادي اول ما تيجي اصادي ‏
تبكي بدموع وتنادي بتحبني
‎ ‎يدوب‎ ‎ملكت عليا بدأت تلعب بيا
‏ بإديك ‏شويا شويا ضيعتني‎ ‎
‎ ‎أنا كنت الأمان جواك في وقت الجرح كنت دواك ‏
ولما القلب داب في‎ ‎هواك‎ ‎إنت جرحتني...إنت جرحتني‎
‎ ‎ ‎
كان نفسي يوم أتهنى واعيش معاك في الجنة
‏ وكل‏‎ ‎يوم‎ ‎أستنى ألقاه ألم ‏
أصبر واقول أتحمل لكن عذابك طول مش ‏حقدر أمشي واكمل سكة ندم
‎ ‎
‎ ‎ ‎أنا قلت حفضل‎ ‎جنبك‎ ‎وكل عمري أحبك ظلمت قلبي وقلبك باع الهوى ‏
حبعد وأنا على عيني فاكرك وإنت‎ ‎ناسيني‎ ‎‏يا خسارة حلم سنيني ضاع في الهوى‎
‎ ‎أنا كنت الأمان جواك في وقت الجرح كنت دواك ‏
ولما القلب داب في‎ ‎هواك‎ ‎إنت جرحتني...إنت جرحتني


******************

أنا بيك
أنا بيـك عرفت روحي‎ ‎لقيتهـا فيـك ‏
كل اللي جـاي حعيشـو ليـك ‏
أنا بنسـى روحـي قصـاد‎ ‎عنيـك ما بقـولش ‏ليـه‎
‎ ‎لو يـوم تغيـب عليـا ما بحسبوش كأني لسه ما عشتهـوش‏‎ ‎
واليـوم معـاك ما‎ ‎بنساهـوش لـو حتـى إيــه
‎ ‎ ‎طمنـي عليـا من نظـرة عينـك ‏
لو‎ ‎تفرح بفـرح وده‎ ‎كل منـايا ‏
لو كل الدنيـا جنبي وحواليـا ما بشوفش الدنيـا ‏غير‎ ‎وانت معايـا‎

‎ ‎ ‎معقـول تسأل بحبك قد ايه دنا لو‏‎ ‎حكيت عمري‏‎ ‎عليه ‏
احكيلك يا حبيبي ايه ولا احكي ايه‎
‎ ‎ياه على حبـي ليـك يا‎ ‎حبيبي ياه‎
‎ ‎حسيت معاك طعم الحيـاة ولقيت معـاك حلمـي اللي ياما حلمت بيـه
طمنـي عليـا من نظـرة عينـك ‏
لو‎ ‎تفرح بفـرح وده‎ ‎كل منـايا ‏
لو كل الدنيـا جنبي وحواليـا ما بشوفش الدنيـا ‏غير‎ ‎وانت معايـا‎


***************

الكلمتين
مدالك ايدي خدني مش قادرة يوم على بعدك ‏
مكان قلبك في حضني ومتملاش من بعدك ‏
جايه اقولك أيوه‎ ‎اسفة إني سبتك
‏ انسى اللي كان دنا مهما كان برضو حبيبتك ‏
‏ مش هما دول الكلمتين اللي إنت جاي‏‎ ‎وحتقوليهم
‏ وفأخرهم دمعتين على كل خد حترسميهم ‏
نزلت قلبي من السما لسابع أرض‎ ‎
اديتيني الشوك وخدتي مني ورد ‏
خلاص حبيبك مش أنا... خلاص مكانك مش هنا ‏
كفاياك دموع كفاية كلام كفاية
‏ أنا عندي أضيع ولا أشوفك يوم معايا‏‎ ‎
اللي يجرح قلبي‎ ‎مرة ما بنسهاش اللي بعني في يوم حبيعوا وبلاش ‏
حبعد بعيد وحثبتلك إن قلبي بعدك عاش إن قلبي بعدك عاش إن‎ ‎قلبي بعدك عاش ‏

****************

قلبي حاسس
كان قلبي حاسس يوم ما حبك ان في حياتك حد ثاني ‏
كانت مشاعري ملك قلبك وعمر قلبك ما‎ ‎كان عشاني ‏
كانت حياتي معاك شموع ذابت باحلى وهم عشته ‏
وصحيت لقيت بحرين دموع بتروي‎ ‎حب عمرك ما صنته ‏
كان حبي ليك مشوار عذاب ‏
كان ضي فجر ماجاش في وقته ‏
ولقيت حنين قلبي‎ ‎اللي ذاب بيقول يا ريتني ما كنت شفته

‏ ضيعت مني احلام جميلة خلتني عايش في ذكرياتي
‎ ‎بكيت عيوني في يوم وليلة ضيعت احلى ايام حياتي ‏
بندم حبيبي على اللي راح ‏
بندم على‎ ‎كلمة بحبك
‏ ذوبت قلبي بالجراح قلبي اللي عاش يحلم في قلبك ‏
وعدتني بالحب ليه وغيري‎ ‎ساكن دنيتك قلبي أنا مكتوب عليه يبقى ضحية قسوتك‏
كان قلبي حاسس

****************

قدام عينيك
أنا جي ثاني قدام عينيك بالشوق حبيبي بسال عليك
واحشني ياما والبعد طال معقولة حبيبي اهون عليك

بعدي عنك انت ثاني لا بعد منك انت قلبي تاه
مش بحس لحظة بالحياة إلا وانا معاك
لو مليش حبيب اعيش لمين ‏
رحت غبت عني انت فين
قلبي عيني روحي مشتاقين ‏
ارجع لهواك ‏
أنا جي ثاني قدام عينيك بالشوق حبيبي بسال عليك

طول الليالي قبلك بعيش كانت حياتي ما تهمنيش
لما لقيتك والقلب مال انا قلت عمري ما يكفنيش

نفسي اجيب لعمري ألف عمر ‏
ساعات ثواني لو تمر ‏
كل يوم بعدي طعمه مر لو مش وياك

قلبي فاكرك انت ليل نهار ‏
تبقى جنة ولا تبقى نار
ذبت فيك وقلبي خد قرار عمري ما حنساك

****************

صديق عمري ..
اللي شلته في عيني وقلبي وجوا الروح ..
اللي داويته بدمي وقت ما كان مجروح ..
اللي أمنته على أسراري و على حكاياتي ..
خان الوعد .. حاول يخطف حب حياتي ..
خاين خاني غدر بي .. وغدرو فقلبي قتلني ..
خاين خاني وعايز ابعد قلبها عني ..
وآه آه آه منك يا صديق ..
صديق عمري ..
دقت معايا عيشي وملحي ..
عشت معاي هناي وفرحي ..
إزاي بعد ده كل بتغدر وتكون انت عزابي وجرحي ..
كنت احكيلك عنها كأني بكلم نفسي ..
ما كنتش بخجل وحدي و اقولك ع اللي بنفسي ..
خاين خاني غدر بي وغدرو بقلبي قتلني ..
خاين خاني وعايز ابعد قلبها عني ..
و آه آه آه منك يا صديق ..
صديق عمري ..
قد ما كنت قريب منك ..
كانت هيه بتبعد عنك ..
حاولت ياما تلمح ليل ..
ةتحذني كتير قوي منك ..
بس ما كنتش ممكن أسدق انت تخني ..
لحد ما جيت واسمعت كلامك عنها وعني ..
خاين خاني غدر بي وغدرو بقلبو قتلني ..
خاين خاني و عايز يبعد قلبها عني ..
و آه آه آه منك يا صديق ..
صديق عمري ..


*************

حبيب عنيا ..
انت في عنيا ..
انت اللي حبك أغلى عندي من الحياه ..
حبيب عنيا ..
انت في عنيا ..
أغلى حلم أغلى حب بدوب معاه ..
أنا بعمري وسنيني ..
أنا بشوقي و حنيني ..
حفضل أحبك .. أحبك إنت مدى الحياه ..
ياه .. أنا عشت الليالي ..
من قبلك يا غالي ..
بقلب خالي ..
كان بيحلم بالغرام ..
ياه .. بحبك مليته ..
بحبك حيته .. رديته تاني للحياه أوام أوام ..
أنا بعمري وسنيني ..
أنا بشوقي و حنيني ..
حفضل أحبك أحبك انت مدى الحياه ..
حبيب عنيا ..
انت بعنيا ..
انت اللي حبك أغلى عندي من الحياه ..
حبيب عنيا ..
انت بعنيا ..
أغلى حلم وأغلى حب بدوب معاه ..
ليك روحي وهوايا ..
و لحد النهايه ..
كل ثانيه فعمري جايه حكون معاك ..
آه بحبك حبيبي ..
وحبك نصيبي ..
كل حاجه بدنيتي مستنياك ..
أنا بعمري وسنيني ..
أنا بشوقي وحنيني ..
حفضل أحبك أحبك انت مدى الحياه ..
حبيب عنيا ..
انت في عنيا ..
أغلى حلم و أغلى حلم بدوب معاه ..
حبيب عنيا ...
انت في عنيا ..
انت اللي حبك أغلى عندي من الحياه

****************

كفايه :

كفايه ..
قلبك ده ايه ..
قوللي عليه ..
ازاي يحب ..
ويدوب في حب ..
ازاي يبيع اللي شاريه ..
كفايه ..
اللي فتحلك قلبه خدعته ..
اداك حبه جرحته وبعته ..
حلم العمر اللي رسمهولك دست عليه بإديك ضيعته ..
قلبي اللي انت ظلمته بجرحك ..
بكره حتطلب من يسامحك ..
بكره حتندم وحتتألم ..
وقت ما تلقاه ناسي ملمحاك ..
كفايه ..
كنت بسدق كل كلامك ..
كنت بعيش على حلم غرامك ..
كنت بتخدع .. آه
كنت بتجرح .. آه
عيشتني ياما بأوهامك ..
كفايه ..
انت أكيد مش حاسس بيا ..
ولا حاسس بجراك قيا ..
بكره مصيرك حده جرحي ..
وقتها بس حتبكي عليا ..
كفايه ..
أنا دلوقتي بقولها كفايه ..
تكسر حب سنين جوايا ..
انت نهاية جرح وماضي ..
وأنا قلبي محتاج لفدايه ..
كفايه ..
كنت بسدق كل كلامك ..
كنت بعيش على حلم غرامك ..
عيشتني ياما بأوهامك ..
كنت بتخدع .. آه
كنت بتجرح ..
عيشتني ياما بأوهامك ..
كفايه ..
طول ما انت معايا :


حبيبي .. حبيبي ..
طول ما انت معيا يا حبيبي ..
معايا ياحبيبي ..
أنا بنسى الدنيا ..
طول ما انت فقلبي حبيبي ..
فقلبي حبيبي ..
هواك حاجه تانيه ..
أنا عشت قفربك جنه جميله عشقتها ..
وليالي العمر عليا ملتها كلـها ..
مين يا حبيبي غيرك انت أخاف عليه ..
مين يا حبيبي روحي تجري بشوق عليه ..
قولي مين بعدك حقول كلمة حبيبي ..
لما ناديت قلبي لهواك .. لبيت نداه ..
شوف قد ايه واحنا سوا حلوة الحياه ..
آه يا حبيبي .. دنته اكتر من حبيبي ..

**************

من يوم ..

من يوم ما هواك خدني ..
والشوق بدوبني ..
وحنين بقربني ..يا حبيبي ليك ..
حبيت بك لياليا ..
حست انك ليا ..
وبقيت ملك ايديا و أنا ملك إيديك ..
حبيبي ..
حبيبي .. قرب هنه قرب هنا ..
ده الشوق فقلبي أنا ..
وده يبقى يوم المنى يوم ماتناديني عنيك ..
عيش معايا عيش فحضني ..
ياللي حبك مني خدني ..
خلى قلبي يدوب معاك ..
فرحت الاشواق بعيني ..
قلت تحلو بسنيني ..
يا حبيبي فيوم لقاك ..
قلي فين و ازاي الاقي ..
كلمه على قد اشتياقي ..
مش لاقيها في الكلام ..
اسأل الايام تقولك .. مش بنام والليل يدلك ..
من حبيبك في الغرام ..

********************

مش حب وبس :


مش حب وبس ..
دي حاجات مش ممكن من غيرك كانت تتحس ..
دي حاجات في القلب أكبر من اني أقولهالك بكلام في الحب ..
مش حب وبس ..
لما تلمسني بايديك ..
لما تحضني بعنيك ..
ببقى حاسس ان عمري كل عمري ملك ليك ..
كل دقه جوا قلبي ..
كل نظره جوا عيني ..
كل كلمه فوق شفايفي ..
يا حبيبي بتناديك ..
مش حب و بس ..
نفسي ألاقي كلمه تانيه غير بحبك كلمة توصفلك حنيني ..
نفسي أقولك وانت جنبي ايه يحس يا حبيب عمري و سنيني ..
مهما أقولك ع اللي بيا صعب أوصف حبي ليك ..
مش حب وبس ..
كل ثانيه ..
كل لحظه عشنا فيها يا حبيبي بعمري تاني ..
نفسي أقولك ياحبيبي ايه بيجرى لو تغيب عني ثواني ..
يا حبيبي عمري كله مش حعيشه الا بيك ..

*****************

حكايات الحب :

حكايات الحب من قبلك ..
دي ماضي بعمري ونسيته ..
و من يوم قلبي ما قابلك ..
عرفت الحب ولقيته ..
حبيت وعشقت بثواني ..
طب ليه خايف لتهواني ..
ياللي غرامك دوبني ..
قوللي بحبك قول قولها علشاني ..
ما كفايه عتاب وجراح ..
وتعال فحضني و ارتاح ..
ده الماضي ده عدا وراح ..
مش عاشق حبيبي سواك ..
ولا شايف في عيني الاقاك ..
دنا روحي وقلبي معاك ..

*********************

تقدر تقول :

تقدر تقول ان احنا ما اقدرناش عن بعض نبعد ..
ايوا ما عرفناش ماعرفناش ما عرفناش ..
واقدر أقول ان احنا كنا غلطانين ..
وان القلوب دابت من الشوق والحنين ..
وان الغياب قربنا ما بعدناش ..
في البعد كان كان قلبي يتوه ..
ويدور يدور في الوجوه ..
ويعود في اخر كل ليله ..
لعيونك اللي بيوحشوا ..
يا حبيبي آه من البعد آه ..
ارجع بقى قلبي انكوى ..
يا حبيبي ..
طعم الحياه ..
يفرق كتير واحنا سوا ..
وأقدر أقول ان اخنا كنا غلطانين ..
و ان القلوب دابت من الشوق و الحنين ..
و ان الغياب قربنا ما بعدناش ..
قربنا ما بعدناش ..

****************

يا ناسيني :

ياناسيني ..
انا مش قادر ع النسيان ..
يا ناسيني ..
أنا محتجلك زي زمان ..
لياليك واحشاني ..
حبك خلاني ..
شايفك بعنايا ..
و مالي الدنيا عليا بكل مكان ..
لياليك واحشاني ..
حبك خلاني ..
بغرامك بقدر ع الاحزان ..
تسق بايه ياغالي ..
تسدق بايه ..
مغير هواك حالي ..
ومعرفش ليه ..
بكره الحنين وشوقه يجيبك فيوم ..
محدش يعاند قلبه ويقدر عليه ..
يا جنة هوايا وناري ..
ده قلبي معاك ..
ومهما عيوني تداري ..
بتعشق نداك ..
ليلاتي بغني لطيفك وبنده عليه ..
و بحلم بهمسة قلبك وفرحة لقاه ..

****************

بــكل العمــر حبـــيــته ..
في حضن القلب خبيته ..
بــإسم الحــب سميتـه ..
حبيبي و دنيتي وفرحي ..
أتاري الحب كان زنبي ..
وكانت غلطتي فقلبـي ..
فضلت أديلو من حــبي ..
لقيتني بساعه على جرحي ..
وعيش يا قلبي واتعلم ..
عيش يا قلبي واتعلم ..
أتاري الحب ..
حتى الحــب ..
لو يوم زاد عن حده ..
يخلي قلب ..
يجرح قلب ..
وبتحول لشىء ضده ..
وعيش يا قلبي واتعلم ..
عيش يا قلبي واتعلم ..
أنا اللي طلعت أستاهل ..
وانا اللي بدنيتي بندم ..
سقيته حناني بالساهل ..
وعمري ما سبته يتألم ..
لا شاف مني عزاب ولا آه ..
ولا حبي في يوم بكاه ..
ملك روحي وعمري معاه ..
وخد أكتر ما كان يحلم ..
خـد أكتر ما كان يحلم ..
أتاري الحب ..
حتى الحب ..
لو يوم زاد عن حده ..
يخلي قلب ..
يجرح قلب ..
ويتحول لشىء ضده ..
وعيش يا قلبي واتعلم ..
عيش يا قلبي واتعلم ..
خساره يا عمر ضيعته ..
في وهم مسدقه لوحده ..
مشيت ورا قلبي وطاوعته ..
لقتني يسكتي وحدي ..
يا ريتني ما عشت أتمناه ..
ولا سلمت يوم لهواه ..
ملك روحي وعمري معاه ..
وخد أكتر ما كان يحلم ..
خـد أكتر ما كان يحلم ..
أتاري الحب ..
حتى الحب ..
لو يوم زاد عن حده ..
يخلي قلب يجرح قلب ..
ويتحول لشيء ضده ..
وعيش يا قلبي واتعلم ..
عـيش يا قلبي واتعلم ..

*****************

بحبك يا غالي :

حبيت معاك حياتي ..
يا أغلى ما فحياتي ..
لقيتك حبيبي خلاص ..
حبيت الضحكه ديه ..
وعشقت النظره ديه ..
من بين عيون الناس ..
بحبك يا غالي ..
دايمًا على بالي ..
بتمنى أيام و ليالي ..
تيجي حبيبي تقولهالي ..
عشانك يا عمري حعيش بس ليك ..
وبحلف بعمري ما غيب عن عينيك ..
أنا ملك ملك قلبك ..
أنا روحي فيك ..
تقولي حبيبي ..
أقولك معاك ..
عنيا وحياتي وقلبي فداك ..
مليش الا قلبك وبعشق هواك ..
بحبك يا غالي ..
دايمًا على بالي ..
بتمنى أيام وليالي ..
تيجي حبيبي تقولهالي ..
عشان انت قمري وشمسي وهوايا ..
وجودك معايا ده عندي كفايه ..
يا وعدي ومنايا يا أجمل حكايه ..
معاك للنهايه يا فرح السنين ..
تقرب تلاقي بقلبي الحنين ..
طريقي وطريقك طريق عاشقين ..
بحبك يا غالي ..
دايمًا على بالي ..
بتمنى أيام وليالي ..
تيجي حبيبي تقولهالي ..

****************

بنت قلبي

هو انت بنت قلبي بخاف عليك خوف
قلبك ياذوب بيحبي يتهجي في الحروف
واما ييجي جنبي واقوله قول يا حبي
لا يقول ولا يخبي
بيذوب بيذوب من الكسوف


اسهرلك الليالي مشفش غير عينيك
ولا يجي شيء في بالي إلا اشتياقي ليك
في عينيك ضي نجمة اسمك ده احلى كلمة
قلبك ده زي نسمة جيا في حر صيف

واما ييجي جنبي واقوله قول يا حبي
لا يقول ولا يخبي
بيذوب بيذوب من الكسوف


عينك تنام ويسهر قلبي ما بين ايديك
واقول يا ريتها تؤمر ولا يغلى شيء عليك
مين اللي خدني مني ومين شغلني عني
قلبك هواه خطفني ومعاه بعيش واشوف

واما ييجي جنبي واقوله قول يا حبي
لا يقول ولا يخبي
بيذوب بيذوب من الكسوف

*************
أغنية أجمل ما في الدنيا

أجمل ما في الدنيا حبيبي تبقى معايا
يلي انت قربك من قلبي وبس كفايه
انت اللي بتمناه واللي بدوب في هواه
دنا عمري ملك ايديك ولا حاجة تغلى عليك

حبك مدفيني قربك بيحييني ويا اغلى من عيني انت اللي بحلم فيه
طول ما انت وياي بتحس بهوايا يا حبيبي ده كفايه حتمنى اكثر ايه
انت اللي بتمناه واللي بدوب في هواه
دنا عمري ملك ايديك ولا حاجة تغلى عليك

الحب جمعنا ومسحلنا دموعنا انا وانت ودعنا الجرح والأحزان
يا حبيبي مين ثاني يشغلني لثواني خد عمري وزماني قلبي وعمري كمان
انت اللي بتمناه واللي بدوب في هواه
دنا عمري ملك ايديك ولا حاجة تغلى عليك

**************

إلا دموعك انت

إلا دموعك إنت .... إلا دموعك إنت
صعب علي صعب علي أشوف يا حبيبي دموع في عينيك

إلا دموعك إنت .... إلا دموعك إنت
بتعذبني وبتتعبني وتخوفني يا عمري عليك
دمعة عينك تجرح قلبي مهما عينيك تكذب وتخبي
حتى إن كان دمعك مش ذنبي من جرح الأيام حفديك

أول فرحة بعمري هواك .. أول لحظة شوق وياك
انا طول عمري بتمناك واستناك يا حبيبي تجيني
عشت في قلبي وجوا الروح ومعاك قلبي منين ماتروح
لو حتبات الليل مجروح دمعة عينك تسكن عيني
الا دموعك انت ... إلا دموعك انت
صعب علي صعب علي تشوف يا حبيبي دموع في عينيك

انا ما حلمتش غير بعنيك وما فكرتش يوم غير فيك
طول ما بتلمس ايدي ايديك كل العالم بيكون ملكي
خد من قلبي شوق وحنان خد من عمري وعيش بأمان
إوع تسلم للأحزان ولا أشوفك مرة بتبكي
الا دموعك انت ... إلا دموعك انت
صعب علي صعب علي تشوف يا حبيبي دموع في عينيك

***************

لسه بتسألي

هو انت لسه بتسالي إنت بالنسبالي ايه
لا يا حبيبتي اطمني الجواب عندي تلاقيه
لما تجري جوا دمي لما تبقي كل همي لما اعيش وياك حلمي
تبقي بالنسبالي ايه
لما ضلك يبقى ضلي وتبقى اجمل شيء فضلي لما اسهرلك تملي ويا طيفك يبقى ليه
تبقي بالنسبالي ايه
لما اتحدى الدنيا عشاك لما اتعذب من احزانك
لما اوهبلك وانت مكانك كل اللي انت بتتمنيه

لما الاقي الشوق صاحبني والحنين ليك واخدني
يبقى ايه اللي غصبني غير هوى بلاقيني فيه
واما قلبي يدق دقه بين حنين وحنان ورقة
والقى روحي ليك سابقة عالمكان اللي انت فيه
واما اعيش واحلم بدنيا انت نورها بكل ثانية
يبقى أي دنيا ثانية مش معاك تسوى ايه

لما ثانية تفوت علي وانت مش قدام عيني
كل شيء بالدنيا ديه يبقى صعب وقاسي ليه
مش حقولك يا عيوني مستحيل ابدا تهوني
انت احلامي وكوني والهوى اللي بعيش عليه
يا جنوني واشتياقي لما بتغرب بلاقي
قلبك انت وحده باقي جنب قلبي يخاف عليه

لما بنسى عمري قبلك واتولد لحظة ما قابلك
وقلبي يبقى ملك قلبك والغرام مكتوب عليه
لو اقولك مهما اقولك برضه مش حقدر اقولك
انت على بعضك وكلك احلى حلم حلمت فيه
لسه برضه بتساليني دنت قلبي وانت عيني
وانت روحي ونور سنيني
عايزة ثاني اقولك ايه ... اقولك ايه

*****************

متهم

متهم أنا بالخيانة والخداع
متهم بإني قلبي في لحظة باع
والحكم ايه كلمة وداع يعني فراق يعني عذاب يعني ألم

إنت السبب .. إنت اللي دخلت صديقتك في حياتي
إنت اللي قربتيها من فرحي وآهاتي
انت اللي كنت بتبعدي متحسنيش
وهي كانت حاسة بآلامي وسكاتي

إنت السبب .. انا حلم اللي ترسم كان ليك انت
انا كنت عايش في الحياة علشانك انت
واحتجت ليك كثير لكني مش لاقيك
لقيتها هي واقفة مكان حبيبتي

انت السبب .. قبل ما تتمادي في الاحكام علي
المتهم ده مش انا ولا حتى هي
المتهم انت اللي خدتي فرح عمري وسبتي قلبي يضيع
ولا حسيت فيا

*************

لو شغلوني

والله لو شغلوني ده في قلبي وعيوني ولا غيره حبيب
ده هو حياتي وحلمي ليلاتي ده كل حكاياتي ده هو النصيب

عيونه الجميلة خدوني في ليلة سقوني الغرام
سحرني بكلامه ورقة سلامه حرمني المنام
والله لو شغلوني ده في قلبي وعيوني ولا غيره حبيب
ده هو حياتي وحلمي ليلاتي ده كل حكاياتي ده هو النصيب

سهرت الليالي في بعدك يا غالي بنادي عليك
بستنى اشوفك والمس كفوفك وابص بعنيك
والله لو شغلوني ده في قلبي وعيوني ولا غيره حبيب
ده هو حياتي وحلمي ليلاتي ده كل حكاياتي ده هو النصيب

حبيبي يا حلم عمري
انا عمري كله ليك
ولو تطلب يوم عيوني ما تغلاش يوم عليك
بحبك
بحبك
بحبك
*****************

دعوة فرح

جتلك هناك حسب الميعاد
جتلك عشان انهي البعاد
جتلك احدد حب عمري ايه مصيره
جتلك وسايب بين ايديك خط سيره
جتلك عشان ابدا معاك من جديد
جتلك اعيش واحلم بعمر يكون سعيد

جيتي بالخطوة البطيئة جيتي بالضحكة الرقيقة
جيتي زي ما قولتي جيا وبمعادك بالدقيقة

انا لما شفتك قلبي طار من لهفتي
وجريت عليك وشوقي سابق خطوتي
جبت السنين في شريط حزين متجمعة
وسكتي فجاة وعيني خايفة مدمعة
ولقيت ايديك في شنطتك ومطلعة
دعوة فرح ... دعوة فرح ... دعوة فرح

دعوة فرح وفيها اسمك جنب اسمه
بردت ايدي وضاع خيال حلمي اللي رسمه
الدهشة والخوف والالم سكنوا ملامحي
مبقيتش عارف الاقي صوتي والم جرحي

معقول معاد الفرح يتبدل الم
معقول سنين الحب يطويها الندم

طب جيتي ليه وقصدك ايه من اللقى
جيتي عشان ترميني في حضن الشقى
مبروك عليك الفرح وعلي الجراح
مش هو ده حلمك
خلاص امشي بقى

ما ليش غيرها

ماليش غيرها وغيرها ماليش
عشانها بعيش
في قلبي مفيش حبيب غيرها ماليش غيرها
ماليش غيرها لنا حبيت ولا حسيت ولا تمنيت في يوم غيرها
ماليش غيرها
ولو عيني تشوف عينها حقول عاشق واعلنها
مليش غيرها مليش غيرها مليش غيرها وغيرها مليش

هي كل شيء في الكون هي مش غيرها
هي هي احلى عيون ذبت في بحورها
ليلي خد جمال اللون من ضفايرها
ويلي جنب منها يهون لو قريب منها

قلبي في الحنين بيذوب لو تناديني
حبك من سنين مكتوب قبل ما تجيني
همسة واحدة يدوب منها ترضيني
عمري مهما قلت حتوب مش حتوب عنها

***************

بدعيلك تنساني



بدعيلك تنساني وبحاول انساك
لا بايدي ولا بايدك اني اكون وياك
حكم البعد علينا تتفرق امانينا
كل ما نزرع ورده يرمينا باشواك
بدعيلك
حاول جرب ابعد انسى وبلاش مني تقرب
علم قلبك يقسى
حانسي حياتي معاك وانسى عشاني هواك
انسى عشاني هواك

بدعيلك تنساني وبحاول انساك
لا بايدي ولا بايدك اني اكون وياك
حكم البعد علينا تتفرق امانينا
كل ما نزرع ورده يرمينا باشواك
بدعيلك

************

تقدري

تقدري من نظرة واحدة تضحك الدنيا واحدة
تقدري من كلمة واحدة تسعدي سنيني اللي جاي
انت احلامي وزماني والحنين اللي ناداني
يا قمر اللي خلا كل ايامي هنيه

يا ارق واحلى نسمة قلبي عاش يحلم بنورها
كل خطوة بعيني رسمة جنة وانت عبير زهورها
افرحي وقلبي معاك طير ونفسه يطول سماك
اللي باقي غير هواك اغلى من روحي علي

من حنانك روحي تبقى طايره فوق الدنيا ديه
والقى قلبي في كل دقة يقولي كل حياتي هي
انت وحدك يا عيوني نبض اشواقي وجنوني
قربي من قلبي كوني ورد ايامي النديه.

*****************

بحبك أنا

قد ما عمري يطول حفضل أحبك أنا
ليلي نهاري بقول انت حبيبي انا
فينك من بدري ... بحبك أنا
يا مناي يا عمري ... بحبك أنا
مستني اشوفك والمح طيفك ليله يا غالي

قبلك كنت غريق ولا حسيت بالهوى
ولا كان لي طبيب ولا كان لي دوا
وخدتني عينيك السمرا نستني الدنيا المره
فينك من بدري ... بحبك أنا
يا مناي يا عمري ... بحبك أنا
مستني اشوفك والمح طيفك ليله يا غالي

وانت حبيبي بعيد يومي بيبقى سنه
واحلم بالمواعيد ايمتى تجيني انا
ما هو انت حبيبي الغالي
ولا غيرك شاغل بالي
فينك من بدري ... بحبك أنا
يا مناي يا عمري ... بحبك أنا
مستني اشوفك والمح طيفك ليله يا غالي

**************

سألتك

سألتك انت مين ... جاوبتي بكلمتين
حلفت انه اللي بينا اول تجربة
رسمتي دمعتين وعينيك الكذابين لعبة دور الوفية الصافية الطيبة
وسمعت حاجات كثيرة جاوبها لازم نفترق
اني انت قبلي سبتي الف قلب بيتحرق
سالت عن ماضيك في اول الطريق
قلتيلي ماضي عادي قلتيلي كان بريء
وفضلت ماشي عايم في بحرك الغريق
كان حبك حب غالي كان واصل منتهاه
كان اقوى من الليالي كان اقوى من الحياة
مشواري كان معاك مش عارف ايه مداه

كذبت بالحقائق هربت من اللي فات
وفيت بالدقائق وخنت بالساعات
قلتيلي بعدك انت ماضي كله مات
عرفتي توهميني بالحب والحنان
عرفتي تملكيني خدتيني من الزمان
قدتلك عمري كله قدتلك الامان
حاولت تخدعيني بصورتك الملاك
حاولت تكسريني هربت من الهلاك
قربت قلبي قلي حياتنا مش هناك

هوايتك الخيانة وحب الانتصار
ودائما القوية في لحظة الانكسار
وآخرة الضحية برقية اعتذار
لاني طول حياتي ما بحبش الخداع
لاني حبي ليك مصيره للضياع
مع اني لسه عايزك حفضل الوداع

مش حقدر ابقى واحد متعذب ليل نهار
مش ححلم بالسعادة بعدين اعيش في نار
حقرب النهاية حنزل الستار

************

أمرك

أمرك يا حبيبي إيه
حلمك شاور عليه
ونا انا
لو اطول قمر الليالي لو اطول النجم العالي
لو اطول الشمس بنورها والدنيا وكل بحورها
تلاقيهم بين ايديك
لو عمري وكل حياتي لو فرحي لو ابتساماتي
لو قلبي لو عيني .. ايام عمري اللي جاي والله ما كثير عليك

اؤمرني حبيبي وامرك ماشي على القلب والعين
سيب لي الشوك والجرح وخد حب وفرح السنين
انا ادوق الويل انا وانت تدوق الهنا
انا ابكي العمر وانت ما تبكيش ليلة في عمرك

اؤمني حبيبي احقق كل اللي انت بتحلم فيه
لو حتى حدوس على النار واخطي الصعب وامشي عليه
انا حالف بالهوى حنكون على طول سوى
تبقى انت كل عمري ودنيتي وانا كل عمرك

*************

جرحي أنا

عدت سنة والليلة حطفي شمعة الجرح الغريب
جرحي انا
جرحي اللي عشته من فراق اغلى حبيب
شمعة دموع شمعة ندم
شمعة حنين شمعة ندم
قرب يا قلبي من الشموع
اللية عيد اصعب دموع
عيد ميلاد جرحي انا

الذكريات المؤلمة والجرح والأحزان ضيوفي
والورد معزوم إنما خجلان وحيد يشبه لخوفي

فاضل ثواني قليلة ويعدي اول عيد لجرحي
والجرح حيعيش جوا مني مش حيمحيه أي فرح

**************

اللي بيحلم

اللي بيحلم يشفي جراحه يداوي جراحه بايده
والمكسور في الحب جناحه
عمر البكى ما يفيده
دوس على جرحك عديه ... جمد قلبك قويه
واللي في احساسك خانك انساه لو روحك فيه
ياما زمان ضحيت وديت لكن مش حنعيده

مجروح ورا كل باب زيك ذاق العذاب
بيقاسي من الاحباب ولا حد حاسس بيه
آه من ظلمنا لبعضنا
آه من جرحنا لنفسنا
آه لو بعنا يوم حبنا ايه ثاني نبكي عليه
دوس على جرحك عديه ... جمد قلبك قويه
واللي في احساسك خانك انساه لو روحك فيه
ياما زمان ضحيت وديت لكن مش حنعيده

مين فينا ما قالش آه وفي لحظة ضعف تاه
وتغرب في الحياة والحزن مالي عينيه
آه لحظة فراق عشتها
آه دقت المرار وقتها
آه وقدرت اعيش بعدها واحب خاين عليه
دوس على جرحك عديه ... جمد قلبك قويه
واللي في احساسك خانك انساه لو روحك فيه
ياما زمان ضحيت وديت لكن مش حنعيده
************
انا حذرتك

انا حذرتك منه وانت عشقت هواه
أنا أنا أنا حذرتك منه
وتصورت بانه لسه في قلبه حياة
أنا أنا أنا حذرتك منه

وما عرفتي بغدره لسه بتديه عذره
حتى في بعده وظلمه وهجره وقلبك لسه معاه
أنا حذرتك حذرتك أنا حذرتك منه

ليه سلمت عواطفك واستسلمت لضعفك
ليه صدقتي عينيه ليه صدقتي عينيه
ليه من بعد ما خدعك لسه هواه بملامحك
لسه بتبكي عليه لسه بتبكي عليه
وما عرفتي بغدره لسه بتديه عذره
حتى في بعده وظلمه وهجره وقلبك لسه معاه
أنا حذرتك حذرتك أنا حذرتك منه

ليه ضيعت شبابك واستحلمت عذابك
قلبك لسه شاريه قلبك لسه شاريه
ليه من بعد ما سابك لسه بتفتحي بابك
لسه بتحلمي فيه لسه بتحلمي فيه
وما عرفتي بغدره لسه بتديه عذره
حتى في بعده وظلمه وهجره وقلبك لسه معاه
أنا حذرتك حذرتك أنا حذرتك منه

***********

انسحابي

انسحابي جيه في وقته كل فجر وله أذان
مش حقولك قلبي خنته
مش حراهن عالزمان
مش حراهن عالأماني أو في يوم ترجعلي ثاني
أو كلام في الحب قلته
انسحابي جيه في وقته

وابتدا يذبل هوانا وانت بتضيع من ايدي
ايوه حسيت بالخيانة قبل ما شوفها بعني
عمري ما احساسي خاني
غصب عني سبقني ظني والخداع في عينيك لمحته
انسحابي جيه في وقته

انسحبت وقبل ما امشي جيت اقولك وانت عارف
كنت بين جفني ورمشي نور يا ريتك كنت شايف
لو يضيع عمري اللي باقي مش راح اجرح كبريائي
كل باب في هواك قفلته
انسحابي جيه في وقته

*************

وحشتيني

وحشتيني بسحر عينيك بهواك بشوق لياليك
بلقاك بكل ما فيكي يا ملاكي وحشتيني
اسرتيني وروحي معاك عشقاك ومهما تروحي وياك
وحتي وعيني شايفاك وحشتيني

في ليالي عيونك ياما سهرت وياما اشتقت
وياما ياما انا ياما هويت
وبحر حنينك ياما سفرت وياما غرقت
وياما ياما انا ياما ناديت
وفي يوم ما هواك ناداني
من قبل ما احس بحالي
وحشتيني وحشتيني

في حكاية حبك ثاني كتبت وثاني وصفت
وثاني ثاني انا ثاني حكيت
وفي شوقي لقربك ثاني حلمت وثاني احترت
وليكي ليكي انا ليكي شكيت
وان غبت علي ثواني
في غيابك بنسى زماني
وحشتيني وحشتيني

***********
يا قلبي لا

مش هو ده يا قلبي لا لا
مش ده اللي كان معنى الحياة
ضحيت عشانه بدنيتي وجرحني هو
كان كل املي وفرحتي في الدنيا هو
ولا عمري يوم نسيته ثانية
راح وسابني في سكة ثانية
غرقان في ليل ودموع وآه

انا كنت بحلم ولا بتخيل يا قلبي
ازاي طوعتك وتخدعت معاك في حبي
كان هو فرحة عمرنا ولا لينا غيرها
ازاي مشينا سكته لغاية آخرها
وازي خدتنا يا قلبي دوامة هواه

يا قلبي ذبل زهرة الحب في طريقي
ما تمشنيش مشواره حتى لو حقيقي
وكفايا عشنا عمرنا ننده نجومه
ايه اللي خدنا غير عذابه وغير همومه
وغير جراحه من بدايته لمنتهاه

**********

على باب القدس

كل المدن بتنام
غرقانة في الاحلام
الا عيون القدس صاحية ولا بتنام
كان صوت الحق بصرخة طفل في حضن الموت
تنهيدة أب في آخر نظرة وآخر صوت
وعيون بتقول القدس حتبقى ومش حتموت

على باب القدس وعود وأماني وحلم كبير
وصلاة بتخلي الشوك في طريقنا كأنه حرير
في إيديهم نار واحنا بأحجار حنخلي ظلام الغدر يفوت
في سبيل الله ارخصي يا حياة يا تعود القدس يا إما نموت
يا تعود القدس يا إما نموت
كان صوت الحق بصرخة طفل في حضن الموت
تنهيدة أب في آخر نظرة وآخر صوت
وعيون بتقول القدس حتبقى ومش حتموت

*************



;glhj Hyhkd hghldv ihkd ah;v hg[.x hgh,g luhkd


عشتار غير متواجد حالياً   رد مع اقتباس
رد

مواقع النشر (المفضلة)

الكلمات الدليلية (Tags)
معاني, الامير, الاول, الجزء, شاكر, هاني, كلمات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع كتابه موضوع جديد
لا تستطيع كتابه ردود
لا تستطيع وضع مرفقات
لا تستطيع تعديل الموضوع

كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حصريا علي مزاج كافية فيلم هي فوضي نسخة VCD اصلية بحجم 240 ميجا تحميل مباشر THE DARK KNIGHT تحميل الافلام العربية الحديثة 12 01-19-2010 07:55 PM
حصريا اللعبة الجديدة والجامدة جدا Tomb Riader حجم 701 ميجا وعلى اكثر من سيرفر hoba_amf تحميل ألعاب الكمبيوتر 5 10-04-2008 09:35 AM
حصريا قبل الجميع فيلم Soul Code 2009 مترجم ديفيدى ريب DVDRip على اكثر من سيرفر Hu$iEn تحميل الافلام الاجنبية الحديثة 0 10-02-2008 04:26 PM
حصريا علي ارض الاختلاف و التميز فيلم العملاق (آل باتشينو) و النجم المتألق (روبرت داني THE DARK KNIGHT الارشيف والمواضيع المكررة 0 09-28-2008 04:31 PM
فيلم The Legend Of Bloody Mary 2008 جودة Dvdrip مترجم بحجم 213 ميجا Hu$iEn تحميل الافلام الاجنبية الحديثة 0 09-23-2008 03:00 PM


الساعة الآن 11:37 PM.


جميع الحقوق محفوظة لمنتديات مزاج كافيه
Ads Management Version 3.0.1 by Saeed Al-Atwi