عدد الضغطات : 8,879

العودة   منتديات مزاج كافيه > أقــســام الاغــانـــي > تحميل الاغاني العربية > كلمات الاغاني العربية

رد
 
أدوات الموضوع طرق مشاهدة الموضوع
قديم 03-02-2009, 11:13 AM   #11
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا


شرطي السير - الأخوين رحباني

ها
ما بعرقلش السير بمرسيدس .. ممنوع عيب
و الله بفقعك ظبط
إحترامات سيدنا إتفضل
وقف و لك وقف؛ ليك ما وقف
و لوين بدو يروح وين بدو يطير
أنا بعرف كيف اخدلو نمرتو
ياه يا بيي يا بيي مليح اللي ما وقف نمرتو زرقا
يا دلي كان المحضر إنعمل فيي أنا
يا مادموزيل عايدة
نعم
ما سمعتي الصفيرة؟ ليش وقفتي سيارتك محل الممنوع؟
هاي مش سيارتي
طيب إنتي وين وقفتي؟
أبعد شوي
و الأبعد شوي كمان ممنوع
أيه بس أنا وقفتا محل في قارمة مكتوب عليه موقف سيارات
هيهيهي و حد القارمة كمان ممنوع. يا بنتي هيدا كمين عملناه للمواطنين لحتى نصفقهن ظبوطا
بس القارمة الدولة كاتبتها
ياي يخرب بيتك ليش الدولة بيتأمنلا؟
يا سبع آفندي أنا بعرفك شرطي بلدي. كيف صرت شرطي سير؟
أنا بالأساس شرطي بلدي أما الآن فوق وظيفتي أسندوا إلي حقيبة السير
ليش من قلة الشرطة؟
لا لا دارجة بهل الإيام لكل وزارة وزيرين، وزير بيشتغل و وزير بيتفرج بس مش أكتر
و إنت وحدك هون؟
لا أنا مع نحنا سبعة تماني ماعناش شغل حطونا عالنقطة هون
طيب وين رفقاتك؟
يا حرام قسم منهن عم بيكزدر و قسم عم بيتفرج عليي هون بعتقد
أيه الله يوفقك
الله وفقني فيكي، هاتي وراقك
ليش شو عملت؟
عم بتقليلي الله موفقك. يا حسرتي يا روحي يا سندي، شرطي السير بشو الله بدو يوفقو؟ بمليون ليرة؟ بئر بترول؟ بدو يوفقو بكم ظبط يعملهن بهالمواطنين
أيه بس هيدا مش حق
يا بنتي دايمن الحق مع البدلة، شفتي حدن إختلف مع إبن حكومي طلع معو راس؟
إتفضل هاي إجازتي
هاي إجازتك؟ لكلكلك روح يا روحي على هالصورة الحلوي. شو هالجمال الباهر. يا عيني يخرب بيتك متل راكيل ولش
شو عم تعمل؟
بدي أخدلك صورتك زافونير
و كيف بدي إمشي بلا صورة
إسكتي رح بلزقلك صورتي بدالها
خلصني بقى جاي لعنا ناس
ناس مين هالناس؟ ناس طيب روحي سامحتك. ناس مين هالناس و الله يا عمي عالعدليي ما بيجيي ناس قد ما بيجوا لعندكن
نهارك سعيد
قرب تاشوف، قرب بسرعة
دخلك بتعرفلي وين بيت المدموزيل عايدة؟
المدموزيل عايدة المهضومة ما غيرا؟
نعم
هيهيهي هلق إنت الناس؟ هيي قالتلي جايي لعندا ناس ما قالتلي جايي نسناس
أنا إسمي سمير
سمير؟
نعم
هات تذكرتك
تذكرتي
بسرعة
إتفضل
إنتحال شخصيي، هون بالتذكرة إلك شوارب هون ما إلك شوارب، مش عارف هيدا مخالف للقانون؟
يا سيدي حلقت شواربي
و معك رخصة من الزراعة بحلق شواربك؟
حلق الشوارب بدو رخصة؟
نعم، نعم شواربك داخلي بالمشروع الأخضر، شاطر تغير حلاسك و تتسلل لعندها متنكراً. شو في جايي؟
أنا البويفرند تبعها
البويفرند الله ينعلك، ما بيكفيها البويا اللي عاوشا تاتزيد عليها بويافرند، شو القصد من مجيئك؟
بدي إجتمع فيها
ما هي الأحاديث التي تدور حولكم في هذا الإجتماع؟
إجتماع خاص ما بقدر قلك
فإذن بدكن تحكوا شي ممنوع
لأ مجرد عواطف
ما هادا الممنوع كلام العواطف ممنوع
طيب شو بتريد لحقنا و جينا
أيه لوتلي قلبي يعني أكيد إلك شي شهر بتستعد عاهالكلمتين روح قولن و إرجع
خلص وقت السير تانرجع لبوليس البلدية
الله معك يا آفندي. شو هيدا؟
أسبوع النظافة. إشغلي هاو شويي بيصيفيش الصابون. قرب تاشوف. قرب. شو منقدر نخدمك؟
بيت السيد فضول وين؟
فضول ما غيرو؟
نعم
لشو بدك فيه؟
أنا غريب و قاصدو
يا حرام غريب غريب غريب. ما إلك حدن هيك سيدي هيك زعيم هيك واسطة هيك، هيك يشد فيك
لأ
عال عال فإذن إنت رجل النموذجي. فينا ننفذ فيك القانون بدون ما حدن يعملك واسطة
بس أنا مش مخالف
روق روق هلق منطلعك مخالف طول بالك، معك ورقة صحيي؟
ورقة صحيي لشو أنا مش دكانجي
ما بفهم بدك ورقة صحيي
طيب إتفضل
يخرب بيتك، طيب، يا الله، معك زمور؟
زمور؟
بدك زمور
طيب إتفضل
بدي إفقعك ظبط زمور
بس أنا ما زمرت
ما بفهم مخالف
مادام رح تعمل مخالفة زمور إتفضل إعمل الظبط عالنمرا و ما رح عطيك وراقي
شا
فممم فرررررروم
و إنتا ظبط تاني عالموتوسيكل، وين الموتوسيكل؟ ترررر. طفت. تررر طاطا


عوافي يا بو صالح - الأخوين رحباني

ميجانا ميجانا و يا ميجانا
ضلي إضحكي تا يرجعوا غيابنا
ربيع السهل من خدك بكي و غار
نسايم تضفر لشعرك مدي و غار
و يا نهر الشوق من صوبن إجا و غار
بقلبي و صرت داير عالبواب يا حالي
عوافي يا بوصالح
أهلا بالإخوان
كيف حالك يا بوصالح
الحقيقة تعبان
كنتوا وعدتوني بتجوا بتزوروني
و روحتوا و نسيتوني و نسيتوا اللي كان
لا تغلط يا بوصالح كنا تعبانين
شو بتتعبوا بالجملي
العمر إلو حق صار الواحد منا بحدود الستين
إذا شي حلوايي طلت
يا زلمي كبر عقلك
عم نحكي إذا طلت
إذا طلت منشوف الله بيعين


شاب الهوى - الأخوين رحباني

شاب الهوى و شبنا و بعدن حبايبنا
بعدو العتب داير لا تعب و لا تعبنا
بعدو العتب داير ليليي ليليي
وطاير السهر طاير على كل عليي
كتب الهوا كتبنا داب الحلى و دبنا
و بعدو العتب داير لا تعب و لا تعبنا
أنا قلبي اللي عذبني جرحني و إتجرح
شرق و غربني و كل واحد بمطرح
جنت مراكبنا و الشوق غربنا
و بعدو العتب داير لا تعب و لا تعبنا


عالهدا - الأخوين رحباني

مرحبا مرحبا ... أهلا بالحلوين
إنشالله الهمي بعدا مليحة .. متل الحساسين
واعدني بطلع عالصيف و بحمل كيسين زيتون
أنا بعربش على التوتي متل الأرض كون
و أنا مبارح بالسهرة رقصت تلات ساعات و أكلت تلات صحون كح كح
إسمالله و ميت إسمالله بعدكن شباب يا مشالله
إذا مشيتوا عالهدا و إذا رقصتوا عالهدا و يحرسكن الله
عالهدا يابا عالهدا ما تخلي يشوفك حدا
يا رنين الدهب على الشال القصب
و الحلوي تنده بالعلوي لوح بالكرم العنب
يابا أوف يا حدا و ما في حدا
يا ستاعشر سني يا عمر الولداني
يا مين يرجعني زغير و ياخد مالك يا دنيي
أوف أوف أوف إرجع إكبر عالهدا
ويدا ويدالك يا ويدا ويدالي نارك و لا جنة هلي
يا ويلي ويلي قصيتو شعري الطويل و قصيتو
رحت لابوها وصيتو شايك ما ريدو زوزق إلي
يا ويلي ويلي عالغزل نقل الحزل كرز الحزل
يا حلوي دلي عالجبل ضلي إضحكي و تدللي


ثلاث رسايل - الأخوين رحباني

الله معك خيي محجوب
يا أهلا بالبوسطجي
في إلك معي مكتوب
من مين يا بوسطجي؟
من أسعد إبن شهدان
من أسعد إبن شهدان لشو باعتلي مكتوب؟ أنا ما بعرف إقرا بحياتك قرالي ياه
لا تواخذني أنا غلطان المكتوب منوش إلك
خي حمل و نزل عن ضهري
المكتوب لبنتك
لبنتي؟
أيه
عجل عجل شوفلي شو كاتب. اوعا تكون مطابق معو
طول بالك
اوعا كلام الغرام
طول بالك
اوعا الحكي هيك و هيك
لك طول بالك
اوعا يكون أخد راحتو
حبيبتي سلمى
يخلع نيعك خلع
أنا شو دخلني؟
لا تواخذني أنا عم بضربو إلو
هيأة هالمكتوب تقيل، إذا كل جملي بقتلي هالشغلي منا شغلي
لا لا كفي كفي
حبيبتي سلمى أنا بتذكر إيام التلاقي
كنتي تهربي و نركض عالسواقي
و لما كنتي تشوفي أبوكي نعسان
كنتي تندهيلي و أنا إبقى فزعان
هوي يفوت عالأوضة و نحنا عالليوان
و لما نسمع شخيرو منعرف إنو صرنا بأمان
آمان آمان يالالالي آمان
أسعد إبن شهدان ناويلي عابنتي
الهيأة فيها و ما فيها أنا بدي ربيها
رح دبرلي قاضة توت و روح و إنزل فيها
طول بالك طول بالك
مابديش بدي طول
معلمة المدرسي جايي لا تحكي قداما
بدي قريها المكتوب
الله معكن
أهلا و سهلا
إلنا شي؟
في إلكن جريدي
يا معلمة المدرسي يالبتضلي تدرسي قريلي هالمكتوب
تكرم عينك
عزيزتي سلمى
و بخبرك عن الدرس عنا درس كتير
و بعد بكرا عنا فحص جرامر و تصوير
طمنيني عن بيك إنشالله يكون مرتاح
أوعا تخليه يتعب بقطف التفاح
بيك شيخ الآوادم و في إلو طلي و هيبي
و أنا يا سلمى مشتاق شوفو من بعد الغيبي
شو القصة يا بوسطجي
بكن شي؟
الهيأة كل واحد شكل بدنا شخص تالت
إجا الشخص التالت
أهلا بشهدان جيت و الله جابك
شو في يا إخوان؟ لك جيت و الله جابك
إتفضل اقرا هالمكتوب من إبنك لبنتي
إسمالله في مراسلات
هيك الظاهر
أيتها الأنسة
من بعد السلام و بلا طولة كلام
بدي حاكيكي بقضيي حتى ما ننلام
بترجاكي قولي لبيك يدفع آجار الدكان
لبيي شهدان لأنو محتاج مسكين و طفران
آمان آمان يالالالي آمان
مبين كل واحد شكل
يالالالي آمان
و إذا جبنا شخص رابع
رح يقرا عاذوقو
وينيي الحقيقة؟
يالالالي آمان
أنا بدي أعرف
لا تعرف آمان
إنتا لا تفكر نحنا منفكر عنك
إنتا لا تتدخل نحنا مندخل عنك
طيب شو بدي إعمل
إنبسط إنبسط إشتغل و كل و نام
و طنش طنش طنش

نحنا و القمر جيران - الأخوين رحباني

نحنا والقمر جيران
من سنة اللي طلعت هالغنيي لليوم تغير القمر
طلعوا لعندو مشيوا عليه صار تراب و حجار
لكن بالنسبة لنا بعدو قنديل السهر و رفيق المشواير
مازال إلتقينا رح نفتح شبابيك الماضي و نسمعكن غناني بتعرفوها
فيكن تتذكروا مين الأشخاص اللي كانوا معكن لما سمعتوها لأول مرة؟
كتار منا بدلوا أحبابن بدلوا أصحابن
و يانيالو اللي بعدو من هاك الإيام حبيبو معو
رح يسمع و ترجع اللحظة و كل الذكريات
نحنا و القمر جيران بيتو خلف تلالنا بيطلع من قبالنا يسمع الألحان
عارف مواعيدنا و تارك بقرميدنا أجمل الألوان
و ياما سهرنا معو بليل الهنا مع النهدات
و ياما على مطلعو شرحنا الهوى غوى حكايات
نحنا و القمر جيران لما طل و زارنا عاقناطر دارنا رشرش المرجان


بروحي تلك الأرض - الصمة القشيري

بروحي تلك الأرض ما أطيب الربى و ما أحسن المصطاف و المتربع
و أذكر أيام الحمى ثم أنثني على كبدي من خشية أن تصدع
و ليست عشيات الحمى برواجع إليك و لكن خلي عينيك تدمع
كأنا خلقنا للنوى و كأنما حرام على الأيام إن نتجمع

غدا منادينا - صدرالدين ابن الوكيل

غدا منادينا محببا فينا يقضي علينا الآسى لولا تأسينا
يا جيرة بانت عن مغرم صب لعهده خانت من غيرما ذنب ما هكذا كانت عوائد الحب
لا تحسبوا البعد يغير العهد إذ طالما غير النائ المحبينا

و لاقرب نعم - عمر با ربيعة

و لا قرب نعم إن دنت لك نافع و لا نأيها يثني و لا أنت تصبر
إذا جئت فأمنح طرف عينيك غيرنا لكي يحسبوا أن الهوى حيث تنظر


اذا كان ذنبي - الأخوين رحباني

إذا كان ذنبي أن حبك سيدي فكل ليالي العاشقين ذنوب
أتوب إلى ربي و إني لمرة يسامحني ربي إليك أتوب


يا شقيق الروح - ابن سناء الملك

يا شقيق الروح من جسدي أهواً بي منك أم ألم
أيها الظبي الذي شرد تركتني مقلاتك سدى
زعموا أني أراك غدا و أظن الموت دون غدي
أين مني اليوم ما زعموا أه
أدنو شيئاً أيها القمر كاد يمحو نورك الخفر
أدلال ذاك أم حذر يا نسيم الروح من بلدي
خبر الأحباب كيف هم أه


حامل الهوى تعب - أبو نواس

حامل الهوى تعب يستخفه الطرب
إن بكى يحق له ليس ما به لعب
كلما إنقضى سبب منك عاد لي سبب
تعجبين من سقمي صحتي هي العجب
تضحكين لاهية و المحب ينتحب


يا غزالا من كثيب - أبو نواس


يا غزالا من كثيب أنت في حسن و طيب
يا غريب الدار ما وصلك مني بقريب
يا حبيبي بأبي أنسيتني كل حبيب
لشقائي صاغك الله حبيبا للقلوب



salt1981 غير متواجد حالياً   رد مع اقتباس
قديم 03-02-2009, 11:14 AM   #12
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا


طريق النحل

انت وانا ياما نبقى نوقف على حدود السهل
وعلى خط السما الزرقا
مرسومه طريق النحل
انا وببكي على بابي
مرقت نحله بكير
غلت بزهور الغابه
وصارت تعمل مشاوير
................
حزين ومش حزين
وبتفوت الضهيره
واتكسر الحنين
اذا رح تهجرني حبيبي
ورح تنساني حبيبي
ضل اتذكرني
واتذكر
طريق النحل

******
طريق النحل الطاير
فوق الضو المكسور
بيصير يرسم دواير
يكتب على الهوا خطوط
من فوق القطوف
أعلى من القصور
أعلى من قبب العالي
عم يكتب عالسور
اذا رح تهجرني حبيبي
ورح تنساني حبيبي
ورح تنساني حبيبي
ضل اتذكرني
واتذكر طريق النحل
طريــــــــــــــــــــــــــــــــــــــــق النحل


salt1981 غير متواجد حالياً   رد مع اقتباس
قديم 03-02-2009, 11:16 AM   #13
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا


المطاليب - الأخوين رحباني

عافيك. برافو هيك مش عم يكرمجو. بعدن صايمين
يا إخوان بعد ما عطيونا مطاليبنا لازم تضلكن صايمين
لكن يا سبع الشباب غب على قلبن من الجوع
و لو هيك بيفرطوا قوام. يا ضيعان الرجال. ليكوا أنا
بس أنت شافوك عم تاكل شيكولاتا
الشيكالاتا مش أكل
شو؟
أيه الشيكالاتا مش أكل. الحلاوة مش أكل. السردين مش أكل. البسطرمة مش أكل
و النمورة؟
النمورة فيها طحين
و الساندوش؟
الساندوش إذا بلا خبز مش أكل
و أخرتا بدنا نضل صايمين؟ أنا معود متل هلق كون واكل تلاتة كيلو خبز
و لك أنت و لا تخ و لا كسرلو المخو. حطوا بجيابكن عظامى و بعدين إعلكوا تامايشموكن أكلين
إذا عا هالحالة فينا نصوم خمسين سني
لاكان كيف؟ شو بفكرك نموت من الجوع، ساعتا مين بدو ياخد المطاليب
و لك يا سبع تهوسنا و لحقناك و مش عارفين شو هي مطاليبنا
طولوا بالكن بعد ما نعرفت
ما بيصير يا سبع. دبيكة الجرد صايمين قدام بيت كتالينا و ناطرين
يا عمي ما بقدر قولكن شي. المطاليب موجودي بس الأهداف بعد ما تبلورت
فإذن أنا ما بدي. و حياتك مش دايق غير قد معمرتين بس
روق روق عافاك كلن و خليك صايم. خليلي ساندوش. يا خوان لازم نتشدد و نأوتب عليهن أحلى ما تفلت من إيدنا الجماهير الغفورة
بيقولوا الجماهير الغفيرة
لا الجماهير الغفورة يا إبني الجماهير الغفورة يا غشيم إسأل مجرب و لا تسأل حكيم. الجماهير الغفورة قد ما يعملوا معا و يبهدلوا و بيشرشحوا بتكة بتنسى و بتغفر. ها إجت كاتالينا أهلا كاتالينا
مرحب
يا كاتالينا يا كاتالينا إنتي معنا و لا معهن
و لو أنا معكن
بعلامة شو
بعلامة ماشفت هالشباب اللي بيخصوك قاعدين بلا أكل عملتلن جاد فتوش و نزلوا فيه
و لك يا عمي لا هولي صايمين إحتجاجاً
أيه خليهن ياكلوا بيحتجوا أكتر
و أكلوا؟
أيه
و عم ياكلوا؟
كلو نازل أكل
فوو يعني أكلوا المطاليب
أيه حطوهن فوق هالفتوش و نزلوا فيون
و لك يا شامتة العدا فينا. هيك منضل أكلنا مطاليبنا و منش عارفين
و لك صحتين كلون إنتوا أحسن ما ياكلون عليكن
يا كاتالينا يا كاتالينا هيأتك داهيي يا كاتالينا ليكون حدا موديكي تاتفرطينا
أبدا أنا شفت الشباب سألتن شو بجيبلكن قالوا بدنا ناكل. شو بعملك إذا هني جوعانين؟
و لك ما كلنا جوعانين بس ما منقول منغطيا بالمطاليب
و لك لحد هلق و ماحدا عرف شو بدك
الكلام بسرك ما بقدرش قول للشباب بقلك إلك. نحنا صايمين إحتياطاً
يعني إذا صار شي مش عاخاطركن صايمكن جاهز
أيه متل البرنيطة بس يلتقي راس عالقياس
أه كنت جايي حاكيك بمسألي الهيأة ما في مجال
إذا مهمي منلقي مجال
لا، كنت جايي عزمكن عالعشا
بكل ممنوني
شا إنت ما بتمون
بمون على حالي
و أنا كمان
يا إخوان أنا غير شي. أنا مبقدرش مون عا حالي
أنا بمون عليك
إذا إنتي أيه
فإذن رح نشهر عنا و عرفكن عا بنت خالتي جايي تصيف عنا. عليها رقصة بتاخد العقل
شفتوا يا شباب أخدنا مطاليبنا
إذا كانت حلوي بلكي بيجوزونياها
يا إبني طول بالك خذ و طالب
شو عم بتقول
يا كاتالينا يا كاتالينا شو عم قول يا كاتالينا أنا قلت ما صار نصيب معك. بلكي بيصير مع بنت خالتك بتكون من طولك و بتشبهك
لأ أطول مني
يا كاتالينا نص متر بالناقص نص متر بالزايد مش فرق
و ليش ننطر لعشيي عرفينا عليها هلق
طيب رح إندهلها
أيه
زيتة
زينة
يا بيي عاهالأسم يا بيي زينة زينة و الله زينة يا زينة
سلمي عالشباب
إزيكوا
شو قالت؟ كمان يا سيدي
إزيكوا
يا ناعما ركضت كفونه
يا دهوتي
يا دهوتي أنا. كمان يا روحي
عايز أيه
و لا حاججا. يا دوجاشا يا حلاوتك كاتالينا كاتالينا دانا ما كنتش عارف حتكون في الشكل ده. شرف البنت زي عود الكبريت ما يتولعش غير مرة واحدة. يا حلاوتك يا لطافتك مصري نعمل أيه عشان نرقصها؟
الراقوص إذا كان قصد يزقفلو بيرقص
مش عايزة بلاش و حياة أبوك لأ
كمان يا روحي أيوة



على دلعونا - إلياس الرحباني

على دلعونا و على دلعونا
رزق الله لما كنتوا تحبونا
بالصيف الماضي تبقى القناطر
مشغولي فيكي و مشغول الخاطر
و يا ناطر قلي شو بعدك ناطر
فلوا الحلوين و ما ودعونا
رزق الله لما كنتي تلاقيني
و تفيي علينا هاك الياسميني
كنت تقوليلي دخلك خبيني
فزعانة صحابي يقولوا شافونا
عالهوارة الهوارة جينا لعندك زيارة
ما لقينا حدا بالبيت وين كنتي يا نوارة
هوارة يا زهر الدار كان في عندي عقل و طار
حاجي تقوليلي لا تغار هودي صبيان الحارة
هوارة بدرب مهاوير مشي ما بقى بكير
حبك بعينيي يطير و ما تلحقنا الطيارة


يلبقلك شك الالماس - الأخوين رحباني

يلبقلك شك الإلماس دروب دروب
أخدوا حبيب قلبي مني و خلوني أدوب
يلبقلك شك الإلماس فوق الغرة
و حبيبك يسأل و يشوفك أول مرة
عوازل لا تلموني الفرقة مرة
هجر الحبايب و الساك كلو مكتوب
خبروني تغيرتي صرتي كبيري
و حبيبك سافر من جمعة و كنتي زغيري
عوازل لا تلموني صعبي الغيري
قولولي الواقع بالهوى كيف بدو يتوب
ليل يا ليل يا ليل يا ليل
ليلي يا ليلي يا ليلي يا ليل


ياي ياي يا ناسيني - الأخوين رحباني

ياما سوا بفيي الياسميني يهب الهوى و إنتا تلاقيني
و تقلي مش رح إنساكي ياي ياي ياي ياي يا ناسيني
ياما تمشينا على هالدرب و يرف علينا طير الحب
و نجي و نروح و الهوى مجروح تضحكني و تبكيني
تبقى القناطر في و شمس حاكيه بالومى و حاكيه بالهمس
و دني صيف و ياما بالصيف تزاعلني و تراضيني


مر بي - سعيد عقل

مر بي يا واعداً وعداً مثلما النسمة من بردى
تحمل العمر تبدده أه ما أطيبه بددا
رب أرض من شذا و ندى و جراحات بقلب عدى
سكتت يوماً فهل سكتت؟ أجمل التاريخ كان غدا
واعدي لا كنت من غضب أعرف الحب سنى و هدى
الهوى لحظ شآمية رق حتى قلته نفذا
هكذا السيف ألا انغمدت ضربة و السيف ما انعمدا
واعدي الشمس لنا كرة إن يد تتعب فناد يدا
أنا حبي دمعة هجرت ان تعد لي أشعلت بردى


نسمت - سعيد عقل

نسمت من صوب سوريا الجنوب قلت هل المشتهى وافي الحبيب
أشقر أجمل ما شعثت الشمس أو طيرت الريح اللعوب
شعر أغنية قلبي له و جبين كالسنى عال رحيب
أنا ان سألت أي مضني قالت القامة حبيك عجيب
مثلما السهل حبيبي يندري مثلما القمة يعلو و يغيب
و به من بردة تدفاقه و من الحرمون اشراق و طيب
ويحه ذات تلاقينا على سندس الغوطة و الدنيا غروب
قال لي أشياء لا أعرفها كالعصافير تنائي و تؤوب
هز سماني أنا أغنية ليت يدري انه العود الطروب
من بلاد سكرة قال لها تربة ناي و نهر عندليب
و يطيب الحب في تلك الربى مثلما السيف إذا مست يطيب


يا شام عاد الصيف - الأخوين رحباني

يا شام عاد الصيف متئداً و عاد بيالجناح
صرخ الحنين إليك بي أقلع و نادتني الرياح
أصوات أصحاب و عيناها و وعد غد يتاح
كل الذين أحبهم نهبوا رقادي و إستراحوا
فأنا هنا جرح الهوى و هناك في وطني جراح
و عليك عيني يا دمشق فمنك ينهمر الصباح
يا حب تمنعني و تسألني متى الزمن المباح
و أنا إليك الدرب و الطير المشرد و الأقاح
في الشام أنت الهوى و في بيروت أغنية و راح
أهلك و أهلي و الحضارة وحدتنا و السماح
و صمودنا و مواكب الأبطال من ضحزا و راحوا
يا شام يا بوابة التاريخ تحرسك الرماح


قرأت مجدك - سعيد عقل

قرأت مجدك في قلبي و في الكتب شآم ما المجد أنت المجد لم يغب
إذا على بردى حور تأهل بي أحسست أعلامك إختات على الشهب
ايام عاصمة الدنيا هنا ربطت بعزمتي أموي عزمة الحقب
نادت فهب إلى هند و أندلس كغوطة من شبا المران و القضب
خلت على قدم التاريخ طابعها و علمت انه بالفتكة العجب
و إنما الشعر شرطة إرتجلت على العلا و تملت رفعة القبب
هذي لها النصر لاأبهى فما هزمت و إن تهددها دهر من النوب
و الإنتصار لعالي الرأس منحتم حلواً كما الموت جئت الموت لم تهب
شآم أرض الشهامات التي إصطبغت بعندمي نمته الشمس منسكب
ذكرتك الخمس و العشرين ثورتها ذاك النفير إلى الدنيا أن اضطربي
فكي الحديد يواعدك الالي جبهوا لدولة السيف سيفاً في القتال ربي
و خلفوا قاسيونا للأنام غداً طوراً كسيناء ذات اللوح و الغلب
شآم لفظ الشآم اهتز في خلدي كما اهتزاز غصون الأرز في الهدب
انزلت حبك في آهى فشددها طربت آهاً فكنت المجد في طربي


يا ربى - الأخطل الصغير

يا ربى لا تتركيني ورداً و لا تبقي أقاحا
مشت الشام إلى لبنان شوقاً و التياحا
فأفرشي الطرق قلوباً و ثغوراً و صداحا
غرة من عبد شمي مملأ الليل صباحا
و حسام يعربي الحد ما مل الكفاحا
يشرعان الراية الحمراء و الحق الصراحا
جمع المجد على الارز سيوفاً و جراحا
فتساوينا جهاداً و تآخينا سلاحا
و نشرناها على الدنيا جناحاً و جناحا


شام يا ذا السيف - سعيد عقل

شام يا ذا السيف لم يغب يا كلام المجد في الكتب
قبلك التاريخ في ظلمة بعدك أستولى على الشهب
لي ربيع فيك خبأته ملئ دنيا قلبي التعب
يوم عيناها بساط السما و الرماح السود في الهدب
تلتوي خصراً فأومى إلى نغمة الناي ألا إتنحبي
أنا في ظلك يا هدبها أحسب الأنجم في لعبي
طابت الذكرى فمن راجع بي كما العود إلى الطرب
شام أهلوك إذا هم على نوب قلبي على نوب
أنا أحبابي شعري لهم مثلما سيفي و سيف أبي
أنا صوتي منك يا بردى مثلما نبعك من سحبي
ثلج حرمون غذانا معاً شمخاً كالعز في القبب
و حد الدنيا غداّ جبل لاعب بالريح و الحقب


خذني بعينيك - الأخوين رحباني

طالت النوى و بكى من شوقه الوتر خذني بعينيك و أهرب أيها القمر
لم يبق في اللي إلا الصوت مرتعشاً إلا العمائم إلا الضائع الزهر
لي فيك يا بردى عهد أعيش به عمري و يسرقني من حبه العمر
عهداّ كآخر يوم في الخريف بكى و صاحباك عليه الريح و المطر
هنا الترابات من طيب و من طرب و أين في غير شام يطرب الحجر
شآم أهلوك من أهوى و موعدنا أواخر الصيف آن الكرم يعتصر
نعتق النغمات البيض نرشفها يوم الأماسي لا خمر و لا سهر
قد غبت عنهم و مالي بالغياب يد أنا الجناح الذي يلهو به السفر
يا طيب القلب يا قلبي تحملني هم الاحبة إن غابوا و إن حضروا
شآم يا ابنة ماض خاضر أبداً كأنك السيف مجد القول يختصر
حملت دنيا على كفيك فآلتفتت إليك دنيا و أغضى دونك القدر



بقولو زغير بلدي - الأخوين رحباني

بيقولوا زغير بلدي بالغضب مسور بلدي
الكرامي غضب و المحبي غضب و الغضب الأحلى بلدي
و بيقولوا قلال و نكون قلال بلدنا خير و جمال
و بيقولو يقولوا شم هم يقولوا شوية صخر و تلال
يا صخرة الفجر و قصر الندي يا بلدي
يا طفل متوج عالمعركي غدي يا بلدي
يا زغير و بالحق كبير و ما بيعتدي يا بلدي


تراب عينطورة - الأخوين رحباني

هالله الله يا تراب عينطورة يا ملفى الغيم و سطوح العيد
ستي من فوق لو فيي زورا راحت عالعيد و العيد بعيد
هالله الله يا دار محبوبي ناطرنا الضيف عاباب الدار
صورنا فوق عالفي مكتوبي مكتوبي خبار و العمر خبار
يا صيف جديد يا حب جديد و أنا ناطر يا عنب الأشقر تاتصير نبيد
بيتك هالليل و الليل غنيي و سطوحك غيم و الزيني فوق
يا حبيبي لا تعتب عليي جايبني صوبك طير الشوق
راحت مواعيد رجعت مواعيد بدر حظورك يا حبيبي و ناطر لنعيد


يا طير - الأخوين رحباني

أوف أوف أوف
يا طير يا طاير على طراف الدني
لو فيك تحكي للحبايب شو بني
روح اسألن علي وليفو مش معو
و مجروح بجروح الهوى شو بينفعو
موجوع ما بيقول علي بيوجعو
و تعن عا بالو ليالي الولدني يا طير
يا طير و اخد معك لون الشجر
ما عاد في الا النطرة و الضجر
بنطر بعين الشمس عبرد الحجر
و ملبكى و إيد الفراق تهدني يا طير
و حياة ريشاتك و إيامي سوا
و حياة زهر الشوك و هبوب الهوا
ان كنك لعندن رايح و جن الهوا
خدني و لنو شي دقيقة و ردني يا طي

salt1981 غير متواجد حالياً   رد مع اقتباس
قديم 03-02-2009, 11:17 AM   #14
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا

موال عتابا - الأخوين رحباني

عيني ما تشوف النوم يا ديب حاكمها قلق و نعاس يا ديب
و غدي تصرح مع التنيان يا ديب و تفعل ما تريد و تشتهي يا بوي


طلي يا حلوة طلي - الأخوين رحباني

أوف طلي يا حلوة طلي يا غلة بسنة القلة
جاي من الجرد الحسون يقطف و يعبي السلة
كنك طامع بالزيتون غصون و عم تبكي ع غصون
شو رح تقطف يا حسون و الأعدا سرقوا الغلة
أوف لا بدنا كيف و لا عراس ليحكوا ليقولوا الناس
مانش راح بيروق الكاس غير ما يفل العثمانلي
أوف أوف بكره بيطلع عنا الفل و بترجع ليالي تهل
و العثمانلي بدو يفل و تطلع براسو الفلة


يا أهل الدار - الأخوين رحباني

يا أهل الدار طعمونا
يا أهل الدار و اسقونا
بيعونا شي بيعونا يا أهل الدار
يا أهل الدار طلوا طلوا الحبايب
شعلانه النار و السكر قلبو دايب
يا أهل الدار دارت فينا العلية
و الورد زرار حنو عالورد خطية
و يا بنت الجار لا تجوري كتير عليي
صار اللي صار و العمر الطيب طايب
حبك غلي يا دار عا قلبي غلي
و عنقودك الغاوي على أمه حلي
أنت ببالي بيوت حلوة مشرعه
بايدين تغزل نار يوم المرجله
باعت مرسال يسأل عن بنت صغيرة
قال يوما قال كان ينطرها بالجيرة
و يا فاضي البال ما تدوقي انشالله الغيرة
ميل خيال و انخطبت إنت و غايب


امش على ما يقدر الله - الأخوين رحباني

امش على ما يقدر الله و الكاتبو ربك يصير
يا حلوتي و مقدر الله يتغير اليوم العسير


علموني - الأخوين رحباني

علموني هني علموني
على حبك فتحولي عيوني
و التقينا و انحكى علينا
علموني حبك و لاموني
عايام الورد قلبي دايب
كيف كنا و كان العمر طايب
شو جرى غير الحبايب
مرقوا عا بابي و ما حاكوني
يا عصفور الشوك أهلك داروا
بهالسما و ما بعرف وين صاروا
دلوني عا درب الحب و طاروا
و على درب الصبر ما دلوني


يا معشر الناس - الأخوين رحباني

ليش ما جيتينا يا بنت شيخ الكار
ليش ما جيتينا نار المراجل نار
يا معشر الناس ما بالدهر صاحب وفي ... نعم
مليت حتى انبرى مني لساني وفي يا يابي
قال ابن شداد عنتر قول راجح وفي
وصل الحبل بالحبل يا بني عبس زمام
وين اليحفظوا للصاحب وفا و زمام
تبقى النصيحة بجمل عند العرب و زمام
و اليوم صار النصيحة بالعداوة وفي
أوف ... وله ... تسلم


عنبية - الأخوين رحباني

هاي
عنبية القمطة عنبية
من عشية لبستها الصبية
و غمزت الصبية عنبية
راحت عالمزارع و المزارع فيها الزهر والع بالمزارع
من حقلة الزنبق نقت قمر أزرق و شكتو بالقمطة العنبية
أوف أوف أوف
وقفت عالمفارق و المفارق فيها الهوا مارق عالمفارق
و قالت له بإيدي كتبت القصيدة بأوراق المحبة و بعينيي
أوف أوف أوف
مرخيي الجدايل و الجدايل و يا لون السنابل عالجدايل
و اللي علموكي عالغوى ربوكي و زرعوكي وردة على ميي


دبكة دوارة - الأخوين رحباني

أوف يابا أوف
دوارة عالدوارة دار الحكي
هجروا الأحبا الحارة ليش البكي
دوارة دورتيني سهل و جبل
تحت الندي نسيتيني و بالي انشغل
ما سألتي ما ذكرتيني و غيرك سأل
و إنهدت الياسمينة و علقا تكي
دوارة علي داير صبح و مسا
و بفية الضفاير عمره انتسى
و قاسي يا هوى صاير ليش القسى
صبية شعرا طاير و ملبكى
دوارة علي قاصد يقطف حبق
و بأيام الحصايد قلبو أحترق
قالت لي شفتك قاعد تكتب ورق
قلتلها القصايد كلن لكي


نسم علينا الهوا - الأخوين رحباني

نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي
شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي


اطلعي يا عروسة - الأخوين رحباني

اطلعي يا عروسة عالكرم نقي العنب
و طلعت العروسة من الكرم طار العنب
و طلعت العروسة تنقي تين
ضحك لها الناطور و قلبو حزين
و لوحت بعيونو لفته مليانه عتب
و ضاع بهالبراري و انبح صوت القصب
و طلعت العروسة تنقي عريس
رماها الهوي و نقاها العريس
لبست الأساور والطرحة كلا قصب
رقصت العروسة و ضحك رنين الدهب


يللا تنام ريما - الأخوين رحباني

يللا تنام ريما يللا يجيها النوم
يللا تحب الصلاة يللا تحب الصوم
يللا تجيها العوافي كل يوم بيوم
يللا تنام يللا تنام لادبحلا طير الحمام
روح يا حمام لا تصدق بضحك عا ريما تتنام
ريما ريما الحندقا شعرك أشقر و منقى
و اللي حبك بيبوسك اللي بغضك شو بيترقى
يا بياع العنب و العنابية قولو لأمي قولو لبيي
خطفوني الغجر من تحت خيمة مجدليي
و التشتشي التشتشي و الخوخ تحت المشمشي
و كل ما هب الهوا لأقطف لريما مشمشي
هاي و هاي و هاي لينا دستك لكنك عيرينا
تنغسل تياب ريما و ننشرهن عاليسمينا


طيري يا طيارة - الأخوين رحباني

طيري يا طيارة طيري يا ورق و خيطان
بدي ارجع بنت صغيرة على سطح الجيران
علي فوق سطوح بعاد عالنسمة الخجولة
أخدوني معهن الأولاد و ردوا لي الطفولة
ضحكات الصبيان و غناني زمان
ردت لي كتبي و مدرستي و العمر اللي كان
و ينساني الزمان على سطح الجيران
لو فينا نهرب و نطير مع هالورق الطاير
تا نكبر بعد بكير شو صاير شو صاير
يا زهر الرمان ميل بهالبستان
تيتسلوا صغار الأرض و يحلو الزمان
و ينساني الزمان على سطح الجيران


يا عاقد الحاجبين - بشارة الخوري

يا عاقد الحاجبين على الجبين اللجين
إن كنت تقصد قتلي قتلتني مرتين
تمر قفز غزالٍ بين الرصيف و بيني
و ما نصبت شباكي و لا أذنت لعيني
تبدو كأن تراني و ملؤ عينك عيني
و مثل فعلك فعلي ويلي من الأحمقين
مولاي لم تبق مني حياً سوى رمقين
أخاف تدعو القوافي عليك في المشرقين


تك تك تك يام سليمان - الأخوين رحباني

تك تك تك يام سليمان
تك تك تك جوزك وين كان
تك تك تك كان بالحقلة
عم يقطف خوخ و رمان
يا ستي يا ست بدور
شوفي القمر كيف بيدور
و الناطورة بدا شمس
و الشمس بعقد المرجان
عمي يا عم الحطاب
خلينا نلعب عالباب
و الجارة بدا قمحة
و القمحة عند الطحان
يا جدي يا جد التلج
لحيتك غطت عالمرج
و الهوا بدو خيمة
و الخيمة بدا خيطان
وينني الجمال يحني بالقنطرة
شو طعميناهن قمح و درة
شو سقاينهن ميي معطرة
يا عمي الغراب جوزني بنتك


قمره يا قمره - الأخوين رحباني

قمره يا قمره لا تطلعي عالشجرة
و الشجرة عالية و أنتي بعدك زغيرة يا يا قمره
و الشجرة عالية ما بتطالا الأيد
و كيف بتمشي حافية و فستانك جديد
بتقومي تتجرحي و بيصير بدك تستحي
إن شفتي حالك مغيرة عحبيبك يا قمره
بدك لحبيبك تقطفي قمر
راح يوصل حبيبك بكره من السفر
و جيرانك يحكو معو كيف الصبايا اتجمعوا
لما كنتي بالشجرة و صرتي تغني يا قمره
حبيبك وصاكي تتضلي بالبيت
و مين ما حاكاكي ما تتركي البيت
ما بدو تشوفي حدا و لا تردي عا حدا
و كل البواب مسكرة هيك الهوى يا قمره


يا جبل اللي بعيد/ بعدو الحبايب - الأخوين رحباني

يا جبل اللي بعيد خلفك حبايبنا
بتموج متل العيد و همك متعبنا
إشتقنا عالمواعيد بكينا تعذبنا
يا جبل اللي بعيد قول لحبايبنا
بعدو الحبايب بيعدو بعدو الحبايب
عجبل عالي بيعدو و القلب دايب
بعدو الحبايب بيعدو بيعدو
و سألت باب الدار وين الناس و أهل الدار
قالي الهجر غدار تركوا البيت طفيوا النار
شوفي الموائد رمدوا رمدوا رمدوا
دبلو الزهور و بين هالسجرات في طيرين
عم يسألو لوين هالأصحاب راحو لوين
و ع ليالي حلوي اتنهدوا اتنهدوا اتنهدوا
قلتلهم يا مين عالحلوين يسأل مين
ما تذكروا و تخمين صارو هيك غدارين
مع غيرنا رح يسعدوا يسعدوا يسعدوا


حبيبي بدو القمر - الأخوين رحباني

حبيبي بدو القمر و القمر بعيد
و السما عالية ما بتطالا الأيد
طلعت على السطح دلو علي الناس
قالوا مدري شو بها و خبروا الحراس
قلتلن بدي القمر قالوا القمر غالي
حقو عشر ليالي عشر ليالي سهر
و إلي عشر ليالي عالسطح سهرانه
و حاسة بحالي تعبانه و نعسانه
خايفة لأنام و ينزل القمر
و يلاقيني غافية و تسرقو جارتنا يللي مزاعلتنا
و تعطيه لحبيبي و يحبا حبيبي و أنا صير غريبة


ضحك اللوز -الأخوين رحباني

ضحك اللوز و خلص اللوز و حبيبي ما لفي
ولع الصيف و دبل الصيف و حبيبي ما لفي حبيبي حبيبي
وحدي أنا و الحيرة و التعب و الغنية
لفحتني نار الغيرة و الريح الجبلية
و يقلي منتلاقى أنت وأنا نتلاقى
نتلاقى تحت اللوز
الورق الأصفر طاير عالطرقات المهجورة
و الناطر بعدو ناطر و الصبية مقهورة
بعيونك خبيني قبل الشتي خبيني
خبيني تحت اللوز


يدور الدوري - الأخوين رحباني

يدور الدوري و يحاكي يحاكي المنتور
المنتور العشباكي و شباكي يدور
بعدو الأسمر ناطرنا ناطرنا بعيد
بعيد و تغوأ قناطرنا ناطرنا عيد
تلوعنا و تحسرنا و هالشوق يزيد
و بعتنا و ما قصرنا محبه و زهور
قلي إن كان بعدك فايق عالعين
العين اللي نبعا رايق رايق يا عين
و تحكي و شو حكيك عايق حكيوا القلبين
حكينا بخمس دقايق عن خمس شهور
أهل الحلى عم يسألوا عنا
مرقوا قطفوا ورد من عنا
و كل يوم بيبعتوا مرسال
بلكي منرجع متل ما كنا
ميل عالبيت العالي عالي عدراج
دراج تظنرها دوالي و دوالي سياج
غالي عا قلبي غالي و يا قلبي حاجي
عمرلك عالعلالي علالي و قصور


قصيدة الأمارات - الأخوين رحباني

عادت الرايات تجتاح المدى و جعلنا موعد المجد غدا
يا إمارات على أبوابها يصرخ البحر و ينهد الصدى
نهضت وسع العلى فأتحدت و تسامى شعبها فأتحدا
رائع وجهك في وثبته أيها الشعب الذي الحق إرتدى
لفتة صوب غد عزم يد و رحيل في الحضارات إبتدى
هاهنا و الأرض فاضت مدناً و عطاءا أي صبح وعدا
قلتها أحلاما طفل نائم تمطر الصحراء ورد و ندى
أنا و الليل ليال رسمت في المدى الصافي نجوماً جددا
يتلقاني خليج رمله زمن الصيد و أيام الحدا
و شراع ساهم مدت له غربة الإبحار في الليل يدا
و لآلئ واعدت حباتها كل حسناء بأرض موعدا
يا إمارات فتيات على مطلغ الشمس كعقد نضدا
نحن شعبانا قليلا عدد غير أنا إن دعينا للفدا
كتب النصر على راياتنا إن تكوني المجد كنت العددا


من تحت هالأرزة - الأخوين رحباني

عا شطوط البعيدي و الأرض البعيدي قصيدي تتغنى وعنك القصيدي
من تحت هالأرزة لآخر هالدنيي
نهر الرجال يسافر و يسقي الدنيي
إيدين وين ما كان عم تشقع الحيطان
تكتب إسم لبنان بكل أرض ملونة من تحت هالأرزة لآخر الدني
مشيت مراكبهن تقطع جزر و بحور
عاكل مينا تدور ترسي مراكبهن
مشيت مراكبنا عمرا بعمر الضو
قطعت جبال النوم ما عمرنا تعبنا
لأحمل الغنيي و فيها دور
عابيوت بها لأرض و شبابيك
بكر مع العصفور غنيلن غنانيك
إحكي الحكي عنك قلهن إنك ساكن بعينيي
تحلى و تتعمر عنك الغنيي يا وطني الأخضر يا وطن الشمس الربيعيي
لروح بين الناس إحكي لكل الناس
عاترابك الياسمين عأهلك الحلوين البيسلمو عالناس
المشرعين بوابهن للغير بأرض تدفق خير
و مسافرين عاكل درب مسافرين و مزروعين مزروعين بهالبعيد
و مطرح ما يمشوا يطل عيد يضووا بيوت الناس
و يعمروا بكل صحو جديد سطيحات متل بيوتك القرميد
و يخبروا عن عيشك الحلو الهني و أرزك يفيي على حراش الدني

salt1981 غير متواجد حالياً   رد مع اقتباس
قديم 03-02-2009, 11:18 AM   #15
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا

كان ياما كان - الأخوين رحباني

كان ياما كان بنت و قمر أخضر
يلفي عليها و كان بالقنطرة يسهر
شيلني بإيديك لبعيد بعدني
مشغول بالي عليك حبك بيحصدني
و بعدك بقلبي وردة الوردات و مفتحة ورقة على ورقة
لأنقش على ترابك الغنيات علق عابابك خرزتي الزرقا
حبيتك و غنيت صوتي ندرتلك
عاكل تلي و بيت قصة كتبتلك
عاكل سطح و دار عاكل تعريشي
لا خلصت الأشعار و لا تعبت الريشي
إنت زهر العمر و لما الهوى بيهب
بيهب فيك الشعر إنت الشعر و الحب
قصرك يا برج المتكي عالعاصفي و الريح
و قبابك اللي مشبكة عالغيم رسمت زيح
يا دراجك اللي منورة بخصور و مشاوير
يا ألف درب مدورة تلف الدني و تطير
و بيوت مفتوحة عالخير مفتوحة
تطلع الشمس تضويا و التلج ينزل يسقيا
صيف و قمر نشتل فيها و العمر مرجوحة
و كان ياما كان سيف الرضى سهران
للأبد عامحبتك سهران يا لبنان


أحب دمشق - سعيد عقل

أحب دمشق هوايا الأرقا أحب جوار بلادي ثرى من صبا و وداد رعته العيون جميلة و قامة كحيلة أحب أحب دمشق
دمشق بغوطتك الوادعة حنين إلى الحب لا ينتهي كأنك حلمي الذي أشتهي هوى ملء قصتك الدامعة تمايل سكرى به دمشق كشمس الضحي الطالعة
هنا و البطولات لا تنضب تطلع شعب حبيب العلي إلى المجد بالمشتهى كلل دمشق و أنت الثرى الطيب غضبت و ما أجمل فكنت السلام إذا يغضب

بالغار كللت - سعيد عقل

بالغار كللت أم بالنار يا شام أنت الأميرة تعلو بإسمك الهام
أواه بضع غمامات مشردة في الأفق بعض روئاً و البعض أحلام
سألتهن أظللتنها صبحاً شام التي وحدها للعود أنغام
ما ألهمتني من صوت خلدت به كذا يخلد شك السيف مقدام
و طالعتني ليال من بطولتها حمر تغاوت لها في الريح أعلام
كأنما نضجت خضر المواسم من هوى أغاني و الأشعار أيام
ختام تشرين هل ناس أوائله إذ هب يعتصر العنقود كرام
يا شام سكبك مجد ما يكون إذا بملئ كفك دفقاً أفرغ الجام
أقول خالد شج الشعر مندفعاً و خط طارق فوق البحر رسام
يا شام لبنان حبي غير أني لو توجع الشام تغدو حبي الشام


أردن - سعيد عقل

أردن أرض العزم أغنية الذبى نبت السيوف وحد سيفك ما نبا
في حجم بعض الورد إلا إنه لك شوكة ردت إلى الشرق الصبا
فرضت على الدنيا البطولة مشتهى و عليك دينا لا يخان و مذهبا
وفدت تطالبني بشعر لدنة سمراء لوحها الملام و ذوبا
من أي أهل أنت قالت من الأولى رفضوا و لم تغمد بكفهم الشبا
فعرفتها و عرفت نشأة أمة ضربت على شرف فطابت مضربا
غنيتها كل الطيور لها ضحى و يكون ليل فالطيور إلى الخبا
إلاك أنت فلا صباح و لا مسا إلا في يدك السلاح له نبا
شيم أقول نسيم أرز هزني و أشد كالدنيا إلى تلك الربى


يا مهيرة العلالي - الأخوين رحباني
يا مهيرة العلالي فرسانك ناطرين
و إن يهدر الشمالي قوليلن حاضرين


على مهلك - الأخوين رحباني

على مهلك يابا على مهلك قدامك عيد
الليلة السهر بيندهلك و الصبح بعيد
على مهلك ضحك و طل من سياجو الفل
يا قمر على علينا يهل و بتطالو الأيد
على مهلك صوب الدار أسرقلك مشوار
سمعني شو في اخبار و شو في مواعيد


بقطفلك بس - الأخوين رحباني

بقطفلك بس هالمرة هالمرة بس عا بكرا عا بكرا بس شي زهرا شي زهرا حمرا و بس
و لا بدي شي بعد الا داريك بيتي بيصير وعد لما بحاكيك
يا ويل عيوني كيف بتندهلك متل المجنونة بتصير تقلك
بحلم و بضل شهر بالي مشغول بيطلعلي قول شعر ما بعرف قول
بتذكر مرة سهرنا بخيمة و بهاك السهرة وشوشتك كلمة


شالك رفرف - الأخوين رحباني

شالك رفرف بالحارة عالنسمة شال
هيدا لحلح طيارة لأ هيدا شال
شالك ذكرنا بعمر اللعب اللي كان
ولاد و عاكتافن غمر وراق و خيطان
و يبقو بنيات السمر و حدن الصبيان
تيايرن زرق و حمر و الأشكال اشكال
شالك ذكرنا بقطف الورد من سياج
زهور اتوا راحوا انخطفوا انزرعو بدراج
بحياتك نتفة عطف من الشال و حاج
قراب من كروم اللطف و ما فينا نطال
عم بيشوح و يلم و يزرع أسرار شالك


شتي يا دنيي - الأخوين رحباني

شتي يا دنيي تيزيد موسمنا و يحلى
و تدفق مي و زرع جديد بحقلتنا يعلى
خليلي عينك عالدار عسياج اللي كلو زرار
بكره الشتويي بتروح و منتلاقى بنوار
يحلى عيد يضوي عيد نزرع و نلم عناقيد
و انطرني لا تبقى تفل و تتركني وحدي عم طل
جمعتلك حرج زهور ياسمين و منتور و فل
زهرة بأيد قلب بأيد يا خوفي لاقيك بعيد
و انطرني بحقول الريح الدنيي عناقيدا تلاويح
و خبيني بفية عينيك جرحني حبك تجريج
قول و زيد غني و عيد نزرع هالأرض مواعيد


يا طير / يا حجل صنين - الأخوين رحباني

يا طير يا طاير على طراف الدني
لو فيك تحكي للحبايب شو بني
يا طير و اخد معك لون الشجر
ما عاد في الا النطرة و الضجر
بنطربعين للشمس عبرد الحجر
و ملبكى و إيد الفراق تهدني يا طير
و حياة ريشاتك و إيامي سوا
و حياة زهر الشوك و هبوب الهوا
ان كنك لعندن رايح و جن الهوا
خدني و لنو شي دقيقة و ردني يا طير
يا حجل صنين بالعلالي يا حجل صنين بالجبل
خبر الحلوين على حالي خبر الحلوين يا حجل
يا حجل عالمي أنت و رايح زور هاك الحي رايح رايح
و جيب خصلة في عالجوانح و سهرنا عالمي يا حجل


هيلا يا واسع - الأخوين رحباني

هيلا يا واسع هيلا هيلا هيلا
مركبك راجع هيلا هيلا هيلا
بسمتك ليلة عبستك ليلة هيلا هيلا
سافر بليلة ريح ودار الدفة جنوبية
حنت عليه الريح وصل على المينا الغجرية
و انقضت ليلة و أشرقت ليلة
شد الشراع و سير بلد الحبايب ما هي بعيدة
بحر و قول يا كبير و تبقى سفريتنا سعيدة
و السعد ليلة و الهوى ليلة


فايق علي - الأخوين رحباني

فايق علي فايق علي
نحنا اللي كنا بهيك العلية
نبقى نقعد بالقناطر وقت الشتوية
من زمان و زمان نحنا كنا جيران
تبقو تيجو لعنا نقعد سوا و نتمنى
و نصور عالحيطان و نقولك يا شيطان وقعت المزهرية
بعدتنا الطريق عن الطريق العتيق
مدري كيف ألتقينا صدفة و ضحكو عينينا
ضحكت عالحيطان صورنا من زمان صبي ناطر صبية




يا جبل للي بعيد / بعدو الحبايب - الأخوين رحباني

يا جبل اللي بعيد خلفك حبايبنا
بتموج متل العيد و همك متعبنا
إشتقنا لمواعيد بكينا تعذبنا
يا جبل اللي بعيد قول لحبايبنا
بعدو الحبايب بيعدو بعدو الحبايب
عجبل عالي بيعدو و القلب دايب
بعدو الحبايب بيعدو بيعدو
دبلو الزهور و بين هالسجرات في طيرين
عم يسألو لوين هالأصحاب راحو لوين
شوفو الموائد رمدو رمدو
قلتلهم يا مين عالحلوين يسأل مين
ما تذكرو و تخمين صارو هيك غدارين
مع غيرنا رح يسعدو يسعدو


تحت العريشة - الأخوين رحباني

تحت العريشة سوى قعدنا سوى و قلنا
كرم المحبة استوى و خبى منازلنا
يا زهور يا عم يندهو البلبل لفي و غنى
الكانو يحبو ألتهو بغيرنا عنا
تهنا بدروب الحكي و كان الحكي إلنا
القلوب اللنا تشتكي و الحب سألنا


حبيتك و الشوق إنقال - الأخوين رحباني

حبيتك و الشوق إنقال و ليلات الحلوة عالبال
خلي الليل يعاتب ليل و موال يجرح موال
خلي القلب يقول القلب رفقة نحنا و وحدة حال
حبيتك وسع الغابات الحدودا حدود اللفتات
وسع الغيم بصبحيات يرحل خلف تلال تلال
تاري الحلو ناسي مواعيدو لا مر لا لوح لنا بإيدو
و بعدك يا هالطير بتجي و بتروح توعيه بقلبي الشوق و تزيدو
حبيتك ما بعرف وين يأي نبع بأي عين
بعتلك نوم العينين و تنهيدة قلبي مرسال


يا حرية - الأخوين رحباني

طلعنا .... حررنا
طلعنا على الضو طلعنا على الريح
طلعنا على الشمس طلعنا على الحرية
يا حرية يا زهرة نارية يا طفلة وحشية يا حرية
صرخو عالعالي على العالي اركضو بالحقالي على العالي
قولو للحرية نحنا جينا و افرحوا افرحوا
يا ليل يا حب يا دروب يا حجار الحقونا عالشجرة البرية
غيرو اساميكن اذا فيكن لونو عيونكم اذا فيكن
خبو حريتكم بجيابكم و اهربو اهربو
عالضو عالريح عالشمس عالبرد عبيادر مضويه و منسيه


شط إسكندرية - الأخوين رحباني

شط إسكندرية يا شط الهوى
رحنا إسكندرية رمانا الهوى
يا دنيا هنية و ليالي رضية
أحملها بعينيه شط إسكندرية
البحر و رياحو و الفلك الغريب
يحملها جراحو و يرحل في المغيب
يتمهل شوية و يتودع شوية
و تعانق المية شط إسكندرية
ليالي مشيتك يا شط الغرام
و إن أنا نسيتك ينساني المنام
و الشاهد عليه غنوة أمارية
و النسمة البحرية و شط إسكندرية


أمس أنتهينا - الأخوين رحباني

أمس إنتهينا فلا كنا و لا كان يا صاحب الوعد خلي الوعد نسيان
طاف النعاس على ماضيك و أرتحلت حدائق العمر بكياُ فأهدأ الآن
كان الوداع أبتسامات مبللة بالدمع حينا وبالتذكار أحيانا
حتى الهدايا و كانت كل ثروتنا ليل الوداع نسيناها هدايانا
شريط شعر عبيق الضوء محرمة و نجمة سقطت من غصن لقيانا
أسلمتها لرياح الأرض تحملها حين الهبوب فلا أدركت شوطئنا
يا رحلة في مدى النسيان موجعة ما كان أغنى الهوى عنها و أغنانا


فتحهن علي - سعيد عقل

فتحهن علي القمر شو إلو
هول ألف غنيي عيونك يا حلو
جابتلي العصفورة علبي فيها لعب
يوقعوا بجورا بنت و صبي دهب
و اسأل أنا قلبى كيف الدنيي بزورا
تبكي و عا العلبي تغمز العصفورة
صحيح رح حبك خبيلك وخبي
و ما يوجعك قلبك لأ يوجعك قلبي
إلك أنا و من هالورد يسألك
شو الزهر يفنى الزهر أبقى أنا إلك


رجعت في المساء - الأخوين رحباني

رجعت في المساء كالقمر المهاجر
حقولك السماء حصانك البيادر
أنا نسيت وجهي تركته يسافر
سافرت البحار لم تأخذ السفينة
و أنت كالنهار تشرق في المدينة
و الريح تبكي في الساحة الحزينة
أعرف يا حبيبي أنك ضل مائل
و أن أيامك لا تقيم و كالمدى تبعد ثم تبعد
أعرف يا حبيبي و تحت سقف الليل و المطر
و بحضور الخوف و الأسماء و العناصر
و كل ما لا أسم له في الكون
أعلن حبي لك و إتحادي بحزن عينيك
و أرض الزهر في بلادي و ينزل المساء

salt1981 غير متواجد حالياً   رد مع اقتباس
قديم 03-02-2009, 11:18 AM   #16
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا






من روابينا القمر - سعيد عقل

من روابينا القمر جاءه أمله خبر
جايلته رندلى و دمى الحسن الآخر
طالما فاجئنه حافيا فوق الزهر
مزقت من ثوبه نزوات لا تذر
هم ما هم و من غزلنا يكسى القمر
العذارى حوله في الربى عقد شرر
ضحكة طافرة و نشيد في الأثر
و المساء المنتحي بعد هاتيك الصور
ذاهل شال به صوتنا المختكر
و الروابي نهضت فوق تجوال النظر
يا ترى العمر قمر


سيد الهوى - الأخوين رحباني

سيد الهوى قمري مورق الجمال طري
دائم الوجد و الغوى سيد الهوى قمرى
وجهه الغض حين لاح عصف الليل بالحلي
و بكت زهرة الملاح مذرئة شعره الفتي
و أنا أغسل الندى عن ملاعب الشجر
أكتب الشوق موعدا في وريقة العمر
طالع الخصر بالهتاف و حكى صوته المدل
يا شراع على ضفاف من ضفاف السنا يطل
سامح العمر و اهتدى بعد طوله سفري
و شدا بلبل شدا بالجمال و الذكر


يبكي و يضحك - الأخطل الصغير

يبكي و يضحك لا حزنا و لا فرحا كعاشق خط سطرا في الهوى و محا
من بسمة النجم همس في قصائده و من مخالسة الظبي الذي سنح
قلب تمرس باللذات و هو فتاُ كبرعم لمسته الريح فأنفتح
ما للأقاحية السمراء قد صرفت عنا هواها أرق الحسن ما سمح
لو كنت تدرين ما ألقاه من شجن لكنت أرفق من آسى و من صفح
غداة لوحت بالأمال باسمة لا أنا الذي ثار و أنقاد الذي جمح
فالروض مهما زها غفر إذا حرمت من جانح رف أو من صادح صدح


يا زائري في الضحى - الأخوين رحباني

يا زائري في الضحى و الحب قد سمح
عيناك أعلنتا أن الربيع صحا
غنيت في سهري حتى بكى الوتر
يا صاحب العمر ولى بنا العمر
ها صادح صدحا يستوطن الفرح
غنى على حرق في البال و انجرح
سكناك في الهدب ضوء و متسع
الطيب يرحل بي و الشوق و الولع
يا لافحا لفحا أرض الهوى و محا
ما كان من شجر و الحب قد سمح


أقول لطفلتي - الأخوين رحباني

أقول لطفلتي إذا الليل برد و صمت الربى ربا لا تحد
نصلي فأنت صغيرة و إن الصغار صلاتهم لا ترد
أقول لجارتي الا جئتي نسهر فعندي تين و لوز و سكر
نغني فأنت وحيدة و إن الغناء يخلي إنتظاركِ أقصر
عندي بيت و أرضٌ صغيرة فأنا الأن يسكنني الأمان
لا أبيع أرضي بذهب الأرض تراب بلادي تراب الجنان و فيه ينام الزمان
أقول لبيتنا إذا صرت وحدي و هبت ليال بثلج و برد
ليالي و بيتي نار و يمضي الشتاء رفيقاُ كغابة ورد


قال يا بيتا لنا - الأخوين رحباني

قال يا بيتا لنا جاورتك الأنهر
ليت ما كان هنا من سنن لا يهجر
أفلتت من غصنها وردة في معبر
هتفت أخت لها لا تروحي أنتظري
ذاكر ليلة هنا قلت أين القمر
جاء حتى بابنا قمر يعتذر
صاح بي عند الربى في الممر الأخضر
بلبل ملؤ الصبا هاتفا لا تكبري
كلهم قد كبروا أهلنا و الزهر
و أنا في هدب من أهوى سنون تعبر


نجمة الليل - الأخوين رحباني

كتبت إليك من عتب رسالة عاشق تعب
رسائله منازله يعمرها بلا سبب
يعود إليك عند الليل حين تهوه القصب
يساؤل كيف حال الدار كيف مطارح اللعب
و يمسح دمعة سبقتك رغم تمنع الهدب
أنا أعطيت هذا الليل اسمائي و هاجر بي
جعلت نجومه كتب رسمتك نجمة الكتب


عتاب - الأخوين رحباني

حاجي تعاتبني يئست من العتاب
و من كتر ما حملتني هالجسم داب
حاجي تعاتبني و إذا بدك تروح روح
روح و أنا قلبي تعود عالعذاب
علمت قلبي من الطفولي عاهواك
و ما تطلعت هالعين إلا عاحماك
و الله بيشهد ما ضحكت مرة لسواك
و ليش بتضلك تفتحلي بواب
عايشي بعيدي عن ليالي الصفا
عيشة جفا و بحكي مع الناس بجفا
يا هل ترى مش هيك بيكون الوفا
و كيف بيكون الوفا عطيني جواب
إن كان غيرة هالجدال و هالشكوك
أضنيتني يكفي بقى يرحم أبوك
و إن كان غيري حباب عم يعلموك
الله يباركلك يا ولفي بهالحباب
كل ما عم زيد في حبك ولوع
كل ما بتزيد بعيني الدموع
و يا ريت عن حبك المضني لي رجوع
رح تهرب الأيام و يمر الشباب
وين بتلاقي متل قلبي قلوب
شو صار صافيلك و غافرلك ذنوب
و قديش عن حبك قلت بكرا بتوب
ما تبت يا ولفي و لا هالقلب تاب


مين دلك - أسعد سابا

مين دلك بالهوى عابيتنا
مر النوى كاس العذاب سقيتنا
و ما ربحنا بعشرتك غير الألم
حبيتنا و يا ريت ما حبيتنا بس
فرشنا طريقك ورد يضحك للدلال
و قلنا جمالك ما انشغل متلو جمال
و عملتنا زهرة غرامك و الخيال
و رميتنا من بعد ما شميتنا
الله شو حملتنا قهر و ضنا
إن كان الغنى بالويم هالقلب إغتنى
ما عاد مرق عابالنا طيف الهنا
من ليلة تضوي القمر حاكيتنا بس
علينا إن كنت عتبان لا تخفي العتب
من هالعدواة ما بيجي غير التعب
دليتنا عا درب حبك شو السبب
ضيعتنا من بعد ما دليتنا
ليش تقهر قلب بيرفرف معك
شو ولعك في غيرنا شو ولعك
لوعتنا بكرا الهوى بيلوعك
بتعود تندم قد ما عاديتنا بس


غيرة - الأخوين رحباني

سمعت الجيران بيقولوا يمكن يكون عم يضحك عليها
و عينك تشوف ليل بطولو ما نشفت الدمعة بعينيها
بعدها بعمر الهوى زغيري و قلبها بالحب طفل زغير
مش عارفي في بالدنيي غيري و حست بصدرا شي و عم بيطير
جربت تغفى عادمعاتها لا غفيت و لا عرفت الأحلام
و اتذكرت حكيات رفقاتها إنو اللي بيحب ما بينام
يا ريت فيها تحملك و تروح عابلاد ما تقشع حدا فيها
و هونيك شو بدا إشيا تبوح و شو عندها حكايات تحكيها
بدا تقلك هون خليني عايشي عالحب و الألحان
و حد قلبك هيك خبيني و يخبروا بنيات هالجيران


يابا لالا - الأخوين رحباني

يابا لا لا لا لا لا لا لا بتريد تحاكينا أو لا
يابا لا لا لا لا لا لا لا رح بترد علينا أو لا
يعني ما بتحبينا؟ لأ
و لابتحبي غنانينا؟ لأ
و لا رح بتردي علينا؟
لا يابا لا لا لا لا لا لا لا
يا طير يا طاير يا طاير صوب امجدايل
سلم و زيد السلام يابا سلم عالخصرا مايل
و إن شفت الحلوى الميالة العيونا عيون الغزالة
خبرها إنو منحبا و علينا لا تقشع حالا
يا طير يا طاير يا طاير صوب القمورة
سلم و زيد السلام يابا سلم عالحلوة و زورا
و إن شفتا زادت دلالا عللي بحبوا جمالا
قلا منهجرها منتركها لكن ما منعشق بدالا


دقت على صدري - عبدالله غانم

دقت على صدري و قالتلي أفتحوا
تاشوف قلبي إن كان بعدو مطرحو
و إن صح ظني و شفتلو عندك رفاق
بسترجعو و ما بعود خليك تلمحو
و إن صح ظني و شفتلو عندك رفاق
بسترجعو و بنسنى ليالينا العتاق
قلبي إن هجرتك يدبحو مرة الفراق
و إن ضل عندك كل يوم تتدبحو
مرمر زماني يا زماني مرمر
مرمرتني لا بد ما تتمرمر
مرت عليه ساحرة بتكوينا
بيضا و حمرا و السحر عاجبينا
قلتلا يا حلوي جيب أسقينا
قالتلي أصبر تايدوب السكر


وقف يا أسمر - الأخوين رحباني

وقف يا أسمر في إلك عندي كلام
قصة عتاب و حب و حكاية غرام
هالبنت يللي بيتها فوق الطريق
حملتني اليوم لعيونك سلام
إستخلصتني و خبرتني شو بها
حدثتني عن هواها و حبها
قال إنت كتير حارق قلبها
و بتستحي تقلك و بتخاف الملام
قال لما بتلمحك بين الشباب
بتحس برعشة لذيذة و إضطراب
بتعرفك لو كنت ماشي بالضباب
و بتلمحك لو كنت خاطر بالظلام
يا شريد القلب عم تسأل كتير
و لا بد ما تتعب و يضنيك المسير
و تلمح جناين حبها الزاهي النضير
و تزورها و بربعها تلقي سلام


راجعة - الأخوين رحباني

أوف راجعة راجعة أوف
قالوا ابعدي بتنسيه و بتنسي هواه
و بتستريحي من عذابو و من شقاه
قالوا ابعدي و البعد بيخلي الجريح
ينسى جروحاتو و يعود لهناه
و بعدت عا مطرح هني كلو امان
و قلت بدي شيل من قلبي الحنان
و أرجع متل ما كنت هني من زمان
لا عاشقة و لا اسهر و اركض وراه
بعدنا خلص، لازم نلملم هالدموع
و من قلبنا نمحي المحبة و الولوع
و شرقت الشمس كتير حلوي بهالربوع
و غنى على شباكنا البلبل غناه
أوف لا القلب ناسي و لا الدموع مكفكفي
و لا الشوق خف و لا استهدى العاصفي
و العمر ناقص هون شو مش عارفي
و سمعت صوت بعيد و عرفتو نداه
و لك راجعة و حياة عينو راجعة
و القلب عم يسأل و عيني دامعة
و لك راجعة أوقف عا بابو خاشعة
أستغفرو عن غيبتي و أطلب رضاه


حبيتك بالصيف - الأخوين رحباني

بأيام البرد و أيام الشتي
و الرصيف بحيرة و الشارع غريق
تجي هاك البنت من بيتا العتيق
و يقلا انطريني و تنطرعالطريق
و يروح و ينساها و تدبل بالشتي
حبيتك بالصيف حبيتك بالشتي
نطرتك بالصيف نطرتك بالشتي
و عيونك الصيف و عيوني الشتي
ملقانا يا حبيبي خلف الصيف و خلف الشتي
مرقت الغريبة عطيتني رسالة
كتبها حبيبي بالدمع الحزين
فتحت الرسالة حروفا ضايعين
و مرقت أيام و غربتنا سنين
و حروف الرسالة محيها الشتي


قديش كان في ناس - الأخوين رحباني

قديش كان في ناس عالمفرق تنطر ناس و تشتي الدنيي و يحملو شمسية
و أنا بأيام الصحو ما حدا نطرني
صار لي شي مية سنة مشلوحه بهالدكان ضجرت مني الحيطان و مستحيه تقول
و أنا عيني عالحلى و الحلى عالطرقات غنيلو غنيات و هو بحالو مشغول
نطرت مواعيد الأرض و ما حدا نطرني
صار لي شي مية سنة عم ألف عناوين مش معروفة لمين و وديلن أخبار
بكرا لا بد السما ما تشتيلي عالباب شمسيات و أحباب يخدوني بشي نهار
و اللي ذكر كل الناس بالأخر ذكرني


يا مختار المخاتير - الأخوين رحباني

يا مختار المخاتير بحكيلك الحكاية
أنا ما بحب الشرح كتير و لا في عندي غاية
بدي تفللني بكير يا مختار المخاتير
هني كانوا زعلانين أنا شو بدي فيهن
الكبرات العشقانين زعلوا أهاليهن
حطوا الحق عليي قالوا هالحشرية
يصطفلوا شو ما صار يصير
و خلي هالزير بهالبير أه يا مختار المخاتير
صار في خناق و صار في ناس كلن شهدوني
و كراكون و هيصة و حراس لعندك جابوني
تاري في محاكم في محكوم و حاكم
شو كان بدي بهالتعتير
و بخاف من الحبس كتير أه يا مختار المخاتير


شادي - الأخوين رحباني

من زمان أنا و زغيرة كان في صبي
يجي من الحراش ألعب أنا وياه كان أسمه شادي
أنا و شادي غنينا سوى
لعبنا على التلج ركضنا بالهوا
كتبنا عالحجار قصص زغار و لوحنا الهوا
و يوم من الأيام ولعت الدنيي
ناس ضد ناس علقوا بهالدنيي
و صار في قتال يقرب عالتلال و الدني دني
و علقت عطراف الوادي شادي راح يتفرج
خفت و صرت أندهلو وينك رايح يا شادي
أندهلو و ما يسمعني و يبعد يبعد بالوادي
من يومتها ما عدت شفته ضاع شادي
و التلج إجا و راح التلج
عشرين مرة إجا و راح التلج
و أنا صرت إكبر و شادي بعدو صغير
عم يلعب عالتلج


كان الزمان - الأخوين رحباني

كان الزمان و كان في دكانة بالفي
و بنيات و صبيان نيجي نلعب عالمي
يبقى حنا السكران قاعد خلف الدكان
بغني و تحزن بنت الجيران
أوعى تنسيني و تذكري حنا السكران
نحنا و العصافير كنا بالحي ندور
صوب الدكان نطير حاملين غمار زهور
يبقى حنا السكران ملهي و على الحيطان
عم بيصور بنت الجيران
حلوة ببيت الجيران راحت بليلة عيد
و انهدت الدكان و اتعمر بيت جديد
و بعدو حنا السكران على حيطان النسيان
عم بيصور بنت الجيران


شايف البحر شو كبير - الأخوين رحباني

شايف البحر شو كبير كبر البحر بحبك
شايف السما شو بعيدي بعد السما بحبك
كبر البحر و بعد السما بحبك يا حبيبي بحبك
نطرتك أنا ندهتك أنا رسمتك على المشاوير
يا هم العمر يا دمع الزهر يا مواسم العصاقير
ما أوسع الغابة وسع الغابة قلبي
يا مصور عبابي و مصور بقلبي
نطرتك سنى يا طول السني و اسأل سجر الجوز
و شوفك بالصحو جايي من الصحو و ضايع بورق اللوز
ما أصغر الدمعة أنا دمعة بدربك
بدي أندر شمعة و تخليني حبك

salt1981 غير متواجد حالياً   رد مع اقتباس
قديم 03-02-2009, 11:20 AM   #17
 
الصورة الرمزية salt1981
 

إرسال رسالة عبر مراسل MSN إلى salt1981
افتراضي رد: مكتبة كلمات اغاني فيروز كامله وحصريه هنا

اتمنى ان تعجبكم وتنال رضاكم


اخوكم احمد الغلاييني

salt1981 غير متواجد حالياً   رد مع اقتباس
قديم 12-31-2009, 07:42 AM   #18
 

افتراضي رد: مكتبة كلمات اغاني فيروز كامله وحصريه هنا

الله يعطيكم العافيه

ahmad alla غير متواجد حالياً   رد مع اقتباس
رد

مواقع النشر (المفضلة)

الكلمات الدليلية (Tags)
مكتبة, اغاني, فيروس, هنا, وحصريه, كلمات, كامله


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع كتابه موضوع جديد
لا تستطيع كتابه ردود
لا تستطيع وضع مرفقات
لا تستطيع تعديل الموضوع

كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تحميل جميع اغاني الاسطورة فيروز mp3 حجم صغير جدا Hu$iEn الاغاني القديمة 32 04-11-2013 10:47 PM
سهرة حب فيروز وديع الصافي كامله برابط واحد + الكلمات + الفيديو لمزاج كافيه salt1981 الاغاني القديمة 9 06-06-2011 05:20 PM
كلمات أغاني السيده فيروز كميليا كلمات الاغاني العربية 2 06-30-2009 04:51 PM
كل اغاني الفيشاوي وفريق الفراعنه - 7 اغاني راب من اجمل ما غنو - كامله تحميل مباشر على اكثر من سيرفر Hu$iEn تحميل الاغاني العربية السنجل 3 02-02-2009 05:12 PM
اغانى فيلم كاريوكى كامله cdQ Hu$iEn تحميل الاغاني العربية السنجل 0 10-02-2008 10:30 PM


الساعة الآن 02:57 AM.


جميع الحقوق محفوظة لمنتديات مزاج كافيه
Ads Management Version 3.0.1 by Saeed Al-Atwi